ਨਵੀਂ ਦਿੱਲੀ: ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਇੰਡੀਅਨ ਪ੍ਰੀਮੀਅਰ ਲੀਗ 2023 ਦਾ ਗ੍ਰੈਂਡ ਫਿਨਾਲੇ 28 ਮਈ ਨੂੰ ਭਾਰੀ ਮੀਂਹ ਕਾਰਨ ਪ੍ਰਭਾਵਿਤ ਹੋਇਆ। ਇਸ ਨਾਲ ਚੇਨਈ ਸੁਪਰ ਕਿੰਗਜ਼ ਅਤੇ ਗੁਜਰਾਤ ਟਾਈਟਨਜ਼ ਦੀਆਂ ਯੋਜਨਾਵਾਂ ਵਿੱਚ ਵਿਘਨ ਪਿਆ। ਦੋਵੇਂ ਟੀਮਾਂ ਫਾਈਨਲ ਟਰਾਫੀ 'ਤੇ ਕਬਜ਼ਾ ਕਰਨ ਲਈ ਕਾਹਲ਼ੀਆਂ ਸਨ, ਪਰ ਮੀਂਹ ਨੇ ਉਨ੍ਹਾਂ ਦੀਆਂ ਉਮੀਦਾਂ 'ਤੇ ਪਾਣੀ ਫੇਰ ਦਿੱਤਾ ਹੈ। ਹੁਣ ਸੋਮਵਾਰ ਸ਼ਾਮ 7.30 ਵਜੇ ਸੀਐਸਕੇ ਅਤੇ ਗੁਜਰਾਤ ਟਾਈਟਨਸ ਵਿਚਾਲੇ ਸਖ਼ਤ ਮੁਕਾਬਲਾ ਦੇਖਣ ਨੂੰ ਮਿਲ ਸਕਦਾ ਹੈ, ਪਰ ਜੇਕਰ ਅੱਜ ਵੀ ਮੈਚ ਦੌਰਾਨ ਮੀਂਹ ਪੈ ਜਾਵੇ ਤਾਂ ਕੀ ਹੋਵੇਗਾ?
ਸੁਪਰ ਓਵਰ ਤੋਂ ਨਤੀਜਾ: ਐਤਵਾਰ 28 ਮਈ ਨੂੰ ਫਾਈਨਲ ਮੈਚ ਦਾ ਟਾਸ ਭਾਰੀ ਮੀਂਹ ਕਾਰਨ ਦੇਰੀ ਨਾਲ ਹੋਇਆ। 28 ਮਈ ਨੂੰ ਰਾਤ ਕਰੀਬ 8:55 ਵਜੇ ਮੀਂਹ ਰੁਕ ਗਿਆ ਅਤੇ ਮੈਚ ਸ਼ੁਰੂ ਹੋਣ ਦੀ ਉਮੀਦ ਵਿੱਚ ਖਿਡਾਰੀ ਗਰਮਜੋਸ਼ੀ ਕਰਨ ਲੱਗੇ, ਪਰ ਬਾਰਿਸ਼ ਫਿਰ ਸ਼ੁਰੂ ਹੋ ਗਈ ਸੀ। ਇਸ ਕਾਰਨ ਗਰਾਉਂਡ ਮੁੜ ਢੱਕਿਆ ਗਿਆ। ਜਦੋਂ ਮੈਚ ਅਧਿਕਾਰੀਆਂ ਨੂੰ ਲੱਗਾ ਕਿ ਖੇਡ ਸੰਭਵ ਨਹੀਂ ਹੋਵੇਗੀ। ਇਸ ਤੋਂ ਬਾਅਦ ਅਧਿਕਾਰੀਆਂ ਨੇ ਸੋਮਵਾਰ 29 ਮਈ ਨੂੰ ਰਿਜ਼ਰਵ ਡੇਅ ਲਈ ਮੈਚ ਮੁਲਤਵੀ ਕਰਨ ਦਾ ਐਲਾਨ ਕੀਤਾ। ਹੁਣ ਸਵਾਲ ਇਹ ਹੈ ਕਿ ਜੇਕਰ ਸੋਮਵਾਰ ਨੂੰ ਵੀ ਮੀਂਹ ਪੈਂਦਾ ਹੈ ਅਤੇ ਫਾਈਨਲ ਮੈਚ ਮੀਂਹ ਵਿੱਚ ਰੁੜ ਜਾਂਦਾ ਹੈ ਤਾਂ ਕੀ ਹੋਵੇਗਾ। ਜੇਕਰ ਅੱਜ ਮੀਂਹ ਪੈਂਦਾ ਹੈ ਤਾਂ ਰਾਤ 9:35 ਵਜੇ ਤੱਕ ਇੰਤਜ਼ਾਰ ਕਰੋ। ਇਸ ਤੋਂ ਬਾਅਦ ਮੈਚ ਵਿੱਚ ਓਵਰਾਂ ਦੀ ਗਿਣਤੀ ਘੱਟ ਜਾਵੇਗੀ। ਪੰਜ ਓਵਰਾਂ ਦੇ ਮੈਚ ਦਾ ਕੱਟ-ਆਫ ਸਮਾਂ 12:06 ਵਜੇ (ਮੰਗਲਵਾਰ) ਹੈ। ਜੇਕਰ ਜ਼ਿਆਦਾ ਮੀਂਹ ਪੈਂਦਾ ਹੈ ਤਾਂ ਸੁਪਰ ਓਵਰ ਤੋਂ ਨਤੀਜਾ ਹਾਸਲ ਕਰਨ ਦਾ ਮੌਕਾ ਮਿਲੇਗਾ। ਇਸ ਸਥਿਤੀ ਲਈ ਤਿਆਰੀਆਂ ਨੂੰ ਯਕੀਨੀ ਬਣਾਉਣ ਲਈ ਆਊਟਫੀਲਡ ਅਤੇ ਪਿੱਚ ਨੂੰ 1:20 ਵਜੇ ਤੋਂ ਬਾਅਦ ਤਿਆਰ ਕੀਤਾ ਜਾਣਾ ਚਾਹੀਦਾ ਹੈ।
- CSK vs GT IPL 2023 : ਤੇਜ਼ ਮੀਂਹ ਨੇ ਪਾਇਆ ਰੰਗ 'ਚ ਭੰਗ, ਹੁਣ ਸੋਮਵਾਰ ਨੂੰ ਰਿਜ਼ਰਵ ਡੇਅ 'ਤੇ ਹੋਵੇਗਾ ਫਾਇਨਲ ਮੁਕਾਬਲਾ
- IPL 2023: ਸ਼ੁਭਮਨ ਦੀ ਬੱਲੇਬਾਜ਼ੀ ਦੇ ਫੈਨ ਹੋਏ ਹਾਰਦਿਕ ਪੰਡਯਾ, ਕਿਹਾ- ਟੀ-20 ਮੈਚ 'ਚ ਦਿਖਾਈ ਬਿਹਤਰੀਨ ਪਾਰੀ
- WTC Prize Money: ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਜਿੱਤਣ ਵਾਲੀ ਟੀਮ ਨੂੰ ਕਿੰਨੀ ਮਿਲੇਗੀ ਇੰਨੀ ਰਕਮ ? ਸੁਣ ਕੇ ਉੱਡ ਜਾਣਗੇ ਤੁਹਾਡੇ ਹੋਸ਼ !
ਸਿਖਰ 'ਤੇ ਰਹਿਣ ਵਾਲੀ ਟੀਮ ਜੇਤੂ: ਜੇਕਰ ਅੱਜ ਪੂਰਾ ਮੈਚ ਮੀਂਹ 'ਚ ਰੁੜ ਗਿਆ ਤਾਂ ਲੀਗ ਟੇਬਲ 'ਚ ਸਭ ਤੋਂ ਉੱਚਾ ਸਥਾਨ ਹਾਸਲ ਕਰਨ ਵਾਲੀ ਟੀਮ ਫਾਈਨਲ ਦੀ ਜੇਤੂ ਐਲਾਨੀ ਜਾਵੇਗੀ। ਇਸ ਦਾ ਮਤਲਬ ਹੈ ਕਿ ਜੇਕਰ ਮੈਚ ਰਿਜ਼ਰਵ ਡੇਅ 'ਤੇ ਨਹੀਂ ਖੇਡਿਆ ਜਾਂਦਾ ਹੈ, ਤਾਂ ਮੌਜੂਦਾ ਚੈਂਪੀਅਨ ਗੁਜਰਾਤ ਟਾਈਟਨਜ਼ ਲੀਗ ਟੇਬਲ 'ਚ ਸਿਖਰ 'ਤੇ ਰਹਿਣ ਦੇ ਕਾਰਨ ਆਈਪੀਐਲ ਖਿਤਾਬ ਨੂੰ ਬਰਕਰਾਰ ਰੱਖੇਗੀ। ਮੌਸਮ ਵਿਭਾਗ ਨੇ ਸੋਮਵਾਰ ਸ਼ਾਮ 5 ਵਜੇ ਦੇ ਕਰੀਬ ਗਰਜ ਨਾਲ ਤੂਫਾਨ ਆਉਣ ਦੀ ਭਵਿੱਖਬਾਣੀ ਕੀਤੀ ਹੈ, ਜਿਸ ਦੇ ਕਰੀਬ ਇਕ ਘੰਟੇ ਤੱਕ ਚੱਲਣ ਦੀ ਸੰਭਾਵਨਾ ਹੈ, ਪਰ ਮੈਚ ਦੌਰਾਨ ਮੀਂਹ ਦੀ ਭਵਿੱਖਬਾਣੀ ਨਹੀਂ ਕੀਤੀ ਗਈ ਹੈ। ਅਜਿਹੇ 'ਚ ਰੋਮਾਂਚਕ ਮੈਚ ਦੀ ਉਮੀਦ ਕੀਤੀ ਜਾ ਸਕਦੀ ਹੈ।
