ਚੰਡੀਗੜ੍ਹ: ਪੰਜਾਬੀ ਮੰਨੋਰੰਜਨ ਜਗਤ ਵਿੱਚ ਕਈ ਅਜਿਹੇ ਅਦਾਕਾਰ ਹਨ, ਜਿਨ੍ਹਾਂ ਬਿਨ੍ਹਾਂ ਫਿਲਮ ਅਧੂਰੀ ਹੁੰਦੀ ਹੈ ਜਾਂ ਕਹਿ ਸਕਦੇ ਹਾਂ ਕਿ ਪੂਰੀ ਫਿਲਮ ਦੀ ਜਾਨ ਉਹ ਅਦਾਕਾਰ ਹੁੰਦਾ ਹੈ, ਇਸ ਸੂਚੀ ਵਿੱਚ ਅਦਾਕਾਰ ਹਾਰਬੀ ਸੰਘਾ ਦਾ ਨਾਂ ਲੈਣਾ ਕੋਈ ਗਲਤ ਨਹੀਂ ਹੋਵੇਗਾ। ਅਦਾਕਾਰ ਦੀਆਂ ਫਿਲਮਾਂ ਦੇ ਕਿਰਦਾਰ ਸ਼ਾਇਦ ਹੀ ਕਦੇ ਕੋਈ ਭੁੱਲ਼ ਪਾਏ। ਕਹਿ ਸਕਦੇ ਹਾਂ ਕਿ ਹਾਰਬੀ ਸੰਘਾ ਅੱਜ ਕੱਲ੍ਹ ਪੰਜਾਬੀ ਫਿਲਮਾਂ ਦੀ ਸ਼ਾਨ ਹਨ। ਅਦਾਕਾਰ ਜਿੰਨ੍ਹਾਂ ਆਪਣੀ ਅਦਾਕਾਰੀ ਕਾਰਨ ਚਰਚਾ ਵਿੱਚ ਰਹਿੰਦੇ ਹਨ, ਉਸੇ ਤਰ੍ਹਾਂ ਅਦਾਕਾਰ ਆਪਣੀ ਨਿੱਜੀ ਜ਼ਿੰਦਗੀ ਨਾਲ ਵੀ ਸੁਰਖ਼ੀਆਂ ਵਿੱਚ ਰਹਿੰਦੇ ਹਨ, ਅਦਾਕਾਰ ਆਪਣੀ ਜ਼ਿੰਦਗੀ ਦੀ ਖਬਰ ਬਾਰੇ ਸ਼ੋਸਲ ਮੀਡੀਆ ਉਤੇ ਪ੍ਰਸ਼ੰਸਕਾਂ ਨੂੰ ਅਪਡੇਟ ਕਰਦੇ ਰਹਿੰਦੇ ਹਨ, ਇਸੇ ਤਰ੍ਹਾਂ ਹੁਣ ਕਾਮੇਡੀਅਨ ਅਤੇ ਅਦਾਕਾਰ ਹਾਰਬੀ ਸੰਘਾ ਨੇ ਪ੍ਰਸ਼ੰਸਕਾਂ ਨਾਲ ਆਪਣੀ ਖੁਸ਼ੀ ਸਾਂਝੀ ਕੀਤੀ ਹੈ।
- " class="align-text-top noRightClick twitterSection" data="
">
ਦਰਅਸਲ, ਅਦਾਕਾਰ ਅੱਜ (28 ਫਰਵਰੀ) ਆਪਣੀ ਵਿਆਹ ਦੀ ਵਰ੍ਹੇਗੰਢ ਮਨਾ ਰਹੇ ਹਨ, ਜਿਸ ਬਾਰੇ ਅਦਾਕਾਰ ਨੇ ਜਾਣਕਾਰੀ ਇੰਸਟਾਗ੍ਰਾਮ ਉਤੇ ਦਿੱਤੀ। ਅਦਾਕਾਰ ਨੇ ਪੋਸਟ ਸਾਂਝੀ ਕੀਤੀ ਅਤੇ ਲਿਖਿਆ 'ਅੱਜ ਸਾਡੀ ਹੈਪੀ ਵਾਲੀ Marrige Anniversary, ਆਹ ਸਾਰੇ ਦਿਓ ਵਧਾਈਆਂ, ਪਰਮਾਤਮਾ ਦੀ ਕਿਰਪਾ ਨਾਲ ਪਤਾ ਈ ਨਈਂ ਲੱਗਾ ਬਈ ਏਨੇ ਸਾਲ ਲੰਘ ਵੀ ਗਏ My bugga ਸਿਮਰਨ ਸੰਘਾ @sangha1026'। ਇਸ ਪੋਸਟ ਦੇ ਨਾਲ ਅਦਾਕਾਰ ਨੇ ਇੱਕ ਤਸਵੀਰ ਵੀ ਸਾਂਝੀ ਕੀਤੀ ਹੈ, ਤਸਵੀਰ ਵਿੱਚ ਅਦਾਕਾਰ ਅਤੇ ਉਹਨਾਂ ਦੀ ਪਤਨੀ ਨੇ ਇੱਕ ਦੂਜੇ ਨੂੰ ਗਲਵੱਕੜੀ ਪਾ ਰੱਖੀ ਹੈ। ਹੁਣ ਪ੍ਰਸ਼ੰਸਕਾਂ ਨੇ ਕਮੈਂਟ ਬਾਕਸ ਪੂਰੇ ਲਾਲ ਇਮੋਜੀ ਅਤੇ ਵਧਾਈ ਸੰਦੇਸ਼ਾਂ ਨਾਲ ਭਰ ਦਿੱਤਾ ਹੈ।
ਤੁਹਾਨੂੰ ਦੱਸ ਦਈਏ ਕਿ ਅਦਾਕਾਰ ਨੇ ਪੰਜਾਬੀ ਫ਼ਿਲਮ 'ਅਸਾਂ ਨੂੰ ਮਾਣ ਵਤਨਾਂ ਦਾ' (2004) ਨਾਲ ਆਪਣੇ ਫ਼ਿਲਮੀ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ, ਹਰਬੀ ਸੰਘਾ ਨੇ ਕਈ ਫਿਲਮਾਂ ਵਿੱਚ ਵੱਖਰੇ-ਵੱਖਰੇ ਕਿਰਦਾਰ ਨਿਭਾ ਕੇ ਦਰਸ਼ਕਾਂ ਨੂੰ ਖੁਸ਼ ਕੀਤਾ ਹੈ। ਹਾਰਬੀ ਮੁੱਖ ਤੌਰ 'ਤੇ ਪੰਜਾਬੀ ਸਿਨੇਮਾ ਵਿੱਚ ਸਹਾਇਕ ਭੂਮਿਕਾਵਾਂ ਵਿੱਚ ਦਿਖਾਈ ਦਿੰਦਾ ਆਇਆ ਹੈ। ਉਹ ਸਭ ਤੋਂ ਜ਼ਿਆਦਾ ਪ੍ਰਸਿੱਧ ਭੂਮਿਕਾਵਾਂ 'ਬੰਬੂਕਾਟ', 'ਨਿੱਕਾ ਜ਼ੈਲਦਾਰ' ਅਤੇ ਇਸਦੇ ਸੀਕਵਲ 'ਨਿੱਕਾ ਜ਼ੈਲਦਾਰ 2' ਵਰਗੀਆਂ ਫਿਲਮਾਂ ਵਿੱਚ ਹਨ। ਹੋਰ ਮਹੱਤਵਪੂਰਣ ਅਦਾਕਾਰੀ ਵਿੱਚ 'ਉਡੀਕਾਂ', 'ਦਿਲਦਾਰੀਆਂ', 'ਲਵ ਪੰਜਾਬ' ਸ਼ਾਮਲ ਹਨ। ਹੁਣ ਜੇਕਰ ਵਰਕਫੰਟ ਦੀ ਗੱਲ ਕਰੀਏ ਤਾਂ ਅਦਾਕਾਰ ਦੀ ਹਾਲ ਹੀ ਵਿੱਚ ਰੌਸ਼ਨ ਪ੍ਰਿੰਸ ਨਾਲ ਫਿਲਮ 'ਜੀ ਵਾਈਫ਼ ਜੀ' ਰਿਲੀਜ਼ ਹੋਈ ਹੈ, ਫਿਲਮ ਵਿੱਚ ਅਦਾਕਾਰ ਤੋਂ ਇਲਾਵਾ ਕਰਮਜੀਤ ਅਨਮੋਲ, ਅਨੀਤਾ ਦੇਵਗਨ ਅਤੇ ਨਿਸ਼ਾ ਬਾਨੋ ਵੀ ਖਾਸ ਕਿਰਦਾਰ ਵਿੱਚ ਹਨ। ਇਹ ਫਿਲਮ ਪ੍ਰਸ਼ੰਸਕਾਂ ਅਤੇ ਅਲੋਚਕਾਂ, ਦੋਵਾਂ ਨੂੰ ਪਸੰਦ ਆ ਰਹੀ ਹੈ।
ਇਹ ਵੀ ਪੜ੍ਹੋ: Jasmin Bhasin Expressed Opinions: ਜੈਸਮੀਨ ਭਸੀਨ ਨੇ ਪਿਆਰ ਅਤੇ ਬ੍ਰੇਕਅੱਪ ਬਾਰੇ ਸਾਂਝੇ ਕੀਤੇ ਆਪਣੇ ਵਿਚਾਰ
