ਨਵੀਂ ਦਿੱਲੀ: ਨਿਊਜ਼ੀਲੈਂਡ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਡਗ ਬ੍ਰੇਸਵੇਲ 'ਤੇ ਕੋਕੀਨ ਪਾਜ਼ੇਟਿਵ ਪਾਏ ਜਾਣ ਤੋਂ ਬਾਅਦ ਕ੍ਰਿਕਟ ਤੋਂ ਇੱਕ ਮਹੀਨੇ ਦੀ ਪਬੰਦੀ ਲਗਾ ਦਿੱਤੀ ਗਈ ਹੈ। ਜਨਵਰੀ 2024 ਵਿੱਚ ਵੇਲਿੰਗਟਨ ਦੇ ਖਿਲਾਫ ਸੈਂਟਰਲ ਡਿਸਟ੍ਰਿਕਟ ਲਈ ਘਰੇਲੂ ਟੀ-20 ਮੈਚ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਬ੍ਰੇਸਵੈੱਲ ਨੂੰ ਪਾਬੰਦੀਸ਼ੁਦਾ ਪਦਾਰਥ ਦੀ ਵਰਤੋਂ ਕਰਦੇ ਹੋਏ ਪਾਇਆ ਗਿਆ।
Doug Bracewell tested positive for cocaine after a T20 match in January 2024.
— SENZ (@SENZ_Radio) November 18, 2024
Read more 👉 https://t.co/pOwPRrpjTP pic.twitter.com/FfGX6qfwOX
ਬ੍ਰੇਸਵੈੱਲ 'ਤੇ 1 ਮਹੀਨੇ ਲਈ ਪਬੰਦੀ
ਬ੍ਰੇਸਵੈੱਲ ਨੂੰ ਬੱਲੇ ਅਤੇ ਗੇਂਦ ਦੋਵਾਂ ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਕਰਨ 'ਤੇ ਮੈਚ ਦਾ ਹੀਰੋ ਚੁਣਿਆ ਗਿਆ। ਉਸ ਨੇ ਸਿਰਫ 21 ਦੌੜਾਂ ਦੇ ਕੇ 2 ਵਿਕਟਾਂ ਲਈਆਂ ਅਤੇ ਸਿਰਫ 11 ਗੇਂਦਾਂ 'ਤੇ 30 ਦੌੜਾਂ ਦੀ ਤੇਜ਼ ਪਾਰੀ ਖੇਡੀ। ਇਸ ਤੋਂ ਇਲਾਵਾ ਉਸ ਨੇ ਦੋ ਕੈਚ ਵੀ ਲਏ ਅਤੇ ਆਪਣੀ ਟੀਮ ਨੂੰ 6 ਵਿਕਟਾਂ ਨਾਲ ਜਿੱਤ ਦਿਵਾਈ।
ਸਪੋਰਟਸ ਇੰਟੈਗਰਿਟੀ ਕਮਿਸ਼ਨ (ਤੇ ਕਹੂ ਰੌਨੂਈ) ਨੇ ਪੁਸ਼ਟੀ ਕੀਤੀ ਕਿ ਬ੍ਰੇਸਵੈੱਲ ਦੀ ਕੋਕੀਨ ਦੀ ਵਰਤੋਂ ਮੈਚ ਨਾਲ ਕੋਈ ਸਬੰਧ ਨਹੀਂ ਸੀ ਅਤੇ ਉਸ ਨੇ ਮੁਕਾਬਲੇ ਤੋਂ ਬਾਹਰ ਕੋਕੀਨ ਦਾ ਸੇਵਨ ਕੀਤਾ ਸੀ। ਉਸ ਨੂੰ ਸ਼ੁਰੂ ਵਿੱਚ ਤਿੰਨ ਮਹੀਨਿਆਂ ਦੀ ਪਾਬੰਦੀ ਲਗਾਈ ਗਈ ਸੀ, ਜੋ ਇੱਕ ਇਲਾਜ ਪ੍ਰੋਗਰਾਮ ਨੂੰ ਪੂਰਾ ਕਰਨ ਤੋਂ ਬਾਅਦ ਇੱਕ ਮਹੀਨੇ ਤੱਕ ਘਟਾ ਦਿੱਤੀ ਗਈ ਸੀ। ਪਾਬੰਦੀ, ਜੋ ਕਿ ਅਪ੍ਰੈਲ 2024 ਤੱਕ ਦੀ ਮਿਆਦ ਲਈ ਹੈ ਦਾ ਮਤਲਬ ਹੈ ਕਿ ਬ੍ਰੇਸਵੈੱਲ ਪਹਿਲਾਂ ਹੀ ਆਪਣੀ ਮੁਅੱਤਲੀ ਪੂਰੀ ਕਰ ਚੁੱਕਾ ਹੈ ਅਤੇ ਹੁਣ ਕ੍ਰਿਕਟ ਵਿੱਚ ਵਾਪਸੀ ਲਈ ਤਿਆਰ ਹੈ।
Doug Bracewell serves one-month ban by New Zealand Cricket board after testing positive for cocaine use.@BLACKCAPS pic.twitter.com/F4WITglBmh
— alekhaNikun (@nikun28) November 18, 2024
ਐਸਆਈਸੀ ਦੀ ਮੁੱਖ ਕਾਰਜਕਾਰੀ ਰੇਬੇਕਾ ਰੋਲਸ ਨੇ ਵੀ ਅਥਲੀਟਾਂ ਨੂੰ ਰੋਲ ਮਾਡਲ ਵਜੋਂ ਕੰਮ ਕਰਨ ਦੀ ਲੋੜ ਦਾ ਜ਼ਿਕਰ ਕੀਤਾ। ਉਸ ਨੇ ਕਿਹਾ, 'ਇਕ ਸਕਾਰਾਤਮਕ ਮਿਸਾਲ ਕਾਇਮ ਕਰਨਾ ਅਥਲੀਟਾਂ ਦੀ ਜ਼ਿੰਮੇਵਾਰੀ ਹੈ। ਕੋਕੀਨ ਗੈਰ-ਕਾਨੂੰਨੀ ਅਤੇ ਖਤਰਨਾਕ ਹੈ। ਉਸਦੀ ਵਰਤੋਂ ਇੱਕ ਗੰਭੀਰ ਮੁੱਦਾ ਹੈ ਅਤੇ ਅਸੀਂ ਖੇਡ ਸੰਸਥਾਵਾਂ ਅਤੇ ਅਥਲੀਟਾਂ ਨਾਲ ਇਸ ਬਾਰੇ ਚਰਚਾ ਕਰਨ ਲਈ ਵਚਨਬੱਧ ਹਾਂ।
ਅਪਰਾਧਿਕ ਘਟਨਾਵਾਂ ਨਾਲ ਸਬੰਧ
ਤੁਹਾਨੂੰ ਦੱਸ ਦੇਈਏ ਕਿ ਬ੍ਰੇਸਵੇਲ ਦਾ ਕਰੀਅਰ ਮੈਦਾਨ ਤੋਂ ਬਾਹਰ ਦੀਆਂ ਘਟਨਾਵਾਂ ਨਾਲ ਪ੍ਰਭਾਵਿਤ ਹੋਇਆ ਹੈ। ਉਸਦਾ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਦੇ ਜੁਰਮਾਂ ਦਾ ਇਤਿਹਾਸ 2008 ਤੋਂ ਸ਼ੁਰੂ ਹੋਇਆ ਜਦੋਂ ਉਹ 18 ਸਾਲ ਦਾ ਸੀ ਅਤੇ 2010 ਅਤੇ 2017 ਵਿੱਚ ਹੋਰ ਅਪਰਾਧਾਂ ਦੇ ਬਾਵਜੂਦ ਬ੍ਰੇਸਵੈੱਲ ਦਾ 2011 ਵਿੱਚ ਅੰਤਰਰਾਸ਼ਟਰੀ ਡੈਬਿਊ ਕਰਨ ਤੋਂ ਬਾਅਦ 28 ਟੈਸਟ, 21 ਵਨਡੇ ਅਤੇ 20 ਟੀ-20 ਅੰਤਰਰਾਸ਼ਟਰੀ ਮੈਚਾਂ ਵਿੱਚ ਨਿਊਜ਼ੀਲੈਂਡ ਦੀ ਨੁਮਾਇੰਦਗੀ ਕਰਦੇ ਹੋਏ ਇੱਕ ਸ਼ਾਨਦਾਰ ਕ੍ਰਿਕਟ ਕਰੀਅਰ ਰਿਹਾ ਹੈ।
