ਮੁੰਬਈ: 90 ਅਤੇ 2000 ਦੇ ਦਹਾਕੇ ਵਿੱਚ ਆਪਣੀ ਮਾਧੁਰ ਆਵਾਜ਼ ਤੋਂ ਸੰਗੀਤ ਜਗਤ ਉਤੇ ਰਾਜ਼ ਕਰਨ ਵਾਲੀ ਗਾਇਕਾ ਅਲਕਾ ਯਾਗਨਿਕ ਨੇ ਹਾਲ ਹੀ ਵਿੱਚ ਆਪਣੇ ਇੰਸਟਾਗ੍ਰਾਮ ਉਤੇ ਆਪਣੀ ਸਿਹਤ ਨਾਲ ਸੰਬੰਧੀ ਇੱਕ ਪੋਸਟ ਸਾਂਝੀ ਕੀਤੀ ਹੈ। ਇਸ ਪੋਸਟ ਦੇ ਜ਼ਰੀਏ ਉਸ ਨੇ ਖੁਲਾਸਾ ਕੀਤਾ ਹੈ ਕਿ ਕੁੱਝ ਹਫ਼ਤੇ ਪਹਿਲੇ ਉਨ੍ਹਾਂ ਨੂੰ ਅਚਾਨਕ ਸੁਣਨਾ ਬੰਦ ਹੋ ਗਿਆ ਅਤੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਉੱਚੀ ਆਵਾਜ਼ ਵਾਲੇ ਮਿਊਜ਼ਿਕ ਤੋਂ ਦੂਰ ਰਹਿਣ ਦੀ ਸਲਾਹ ਦਿੱਤੀ ਹੈ। ਉੱਥੇ ਹੀ ਸੋਨੂੰ ਨਿਗਮ ਸਮੇਤ ਕਈ ਵੱਡੇ ਗਾਇਕਾਂ ਨੇ ਉਨ੍ਹਾਂ ਦੇ ਜਲਦ ਠੀਕ ਹੋਣ ਦੀ ਪ੍ਰਾਰਥਨਾ ਵੀ ਕੀਤੀ ਹੈ।
ਉਲੇਖਯੋਗ ਹੈ ਕਿ ਸੋਮਵਾਰ (17ਜੂਨ) ਨੂੰ ਗਾਇਕਾ ਅਲਕਾ ਯਾਗਨਿਕ ਨੇ ਆਪਣੇ ਅਧਿਕਾਰਤ ਅਕਾਉਂਟ ਉਤੇ ਇਸ ਪੋਸਟ ਦੇ ਨਾਲ ਲੰਮਾ ਨੋਟ ਸਾਂਝਾ ਕੀਤਾ ਹੈ, ਇਸ ਪੋਸਟ ਵਿੱਚ ਉਨ੍ਹਾਂ ਨੇ ਆਪਣੀ ਸਿਹਤ ਬਾਰੇ ਜਾਣਕਾਰੀ ਦਿੱਤੀ ਹੈ। ਉਨ੍ਹਾਂ ਨੇ ਕੈਪਸ਼ਨ ਵਿੱਚ ਖੁਲਾਸਾ ਕਰਦੇ ਹੋਏ ਲਿਖਿਆ, 'ਮੇਰੇ ਸਾਰੇ ਫੈਨਜ਼ ਅਤੇ ਦੋਸਤ-ਫਾਲੋਅਰਜ਼ ਲਈ...ਕੁਝ ਹਫ਼ਤੇ ਪਹਿਲਾਂ ਜਦੋਂ ਮੈਂ ਫਲਾਈਟ ਤੋਂ ਉਤਰੀ ਤਾਂ ਮੈਨੂੰ ਅਚਾਨਕ ਅਹਿਸਾਸ ਹੋਇਆ ਕਿ ਮੈਂ ਕੁਝ ਵੀ ਨਹੀਂ ਸੁਣ ਸਕਦੀ, ਇਸ ਘਟਨਾ ਤੋਂ ਬਾਅਦ ਦੇ ਹਫ਼ਤਿਆਂ ਵਿੱਚ ਕੁਝ ਹਿੰਮਤ ਪੈਦਾ ਕਰਦੇ ਹੋਏ ਮੈਂ ਆਪਣੇ ਸਾਰੇ ਦੋਸਤਾਂ ਅਤੇ ਸ਼ੁਭਚਿੰਤਕਾਂ ਲਈ ਆਪਣੀ ਚੁੱਪ ਤੋੜਨਾ ਚਾਹੁੰਦੀ ਹਾਂ, ਜੋ ਮੈਨੂੰ ਪੁੱਛ ਰਹੇ ਹਨ ਕਿ ਮੈਂ ਕਿਉਂ ਗਾਇਬ ਹਾਂ। ਮੇਰੇ ਡਾਕਟਰਾਂ ਨੇ ਇਸ ਨੂੰ ਇੱਕ ਵਾਇਰਲ ਹਮਲੇ ਦੇ ਕਾਰਨ ਇੱਕ ਦੁਰਲੱਭ ਦਿਮਾਗੀ ਨਸਾਂ ਦੇ ਨੁਕਸਾਨ ਵਜੋਂ ਦੱਸਿਆ ਹੈ, ਇਸ ਅਚਾਨਕ, ਵੱਡੇ ਸਦਮੇ ਨੇ ਮੈਨੂੰ ਪੂਰੀ ਤਰ੍ਹਾਂ ਹੈਰਾਨ ਕਰ ਦਿੱਤਾ ਹੈ।'
ਗਾਇਕਾ ਨੇ ਆਪਣੀ ਗੱਲ ਜਾਰੀ ਰੱਖੀ ਅਤੇ ਅੱਗੇ ਲਿਖਿਆ, 'ਜਿਵੇਂ ਕਿ ਮੈਂ ਇਸ ਤੋਂ ਉਭਰਨ ਦੀ ਕੋਸ਼ਿਸ਼ ਕਰ ਰਹੀ ਹਾਂ। ਕਿਰਪਾ ਕਰਕੇ ਮੇਰੇ ਲਈ ਪ੍ਰਾਰਥਨਾ ਕਰੋ। ਮੈਂ ਉੱਚੀ ਆਵਾਜ਼ ਅਤੇ ਹੈੱਡਫੋਨ ਦੇ ਸੰਪਰਕ ਵਿੱਚ ਆਉਣ ਬਾਰੇ ਸਾਵਧਾਨੀ ਵਰਤਣਾ ਚਾਹਾਂਗੀ।'
- ਇਸ ਗਾਣੇ ਲਈ ਇਕੱਠੇ ਹੋਏ ਗਿੱਲ ਹਰਦੀਪ ਅਤੇ ਸੁਦੇਸ਼ ਕੁਮਾਰੀ, ਜਲਦ ਹੋਵੇਗਾ ਰਿਲੀਜ਼ - Gill Hardeep And Sudesh Kumari
- ਕਿਆਰਾ ਅਡਵਾਨੀ ਨੇ ਕਰੂ ਨੂੰ ਦਿਖਾਈ ਆਕੜ, ਏਅਰ ਹੌਸਟੈੱਸ ਨੇ ਖੋਲ੍ਹੀ ਪੋਲ, ਬੋਲੀ-ਕਿਆਰਾ ਅਡਵਾਨੀ ਬਹੁਤ ਘੁਮੰਡੀ ਹੈ... - Kiara Advani
- ਪੰਜਾਬੀ ਫਿਲਮ 'ਸੌਂਕਣ ਸੌਂਕਣੇ 2' ਦੀ ਸ਼ੂਟਿੰਗ ਹੋਈ ਸ਼ੁਰੂ, ਸਮੀਪ ਕੰਗ ਕਰਨਗੇ ਨਿਰਦੇਸ਼ਨ - Saunkan Saunkanay 2
ਆਪਣੇ ਸਰੋਤਿਆਂ ਤੋਂ ਸਮਰਥਨ ਦੀ ਮੰਗ ਕਰਦੇ ਹੋਏ ਅਲਕਾ ਨੇ ਅੱਗੇ ਲਿਖਿਆ, 'ਮੈਂ ਆਪਣੀ ਪੇਸ਼ੇਵਰ ਜ਼ਿੰਦਗੀ ਦੇ ਸਿਹਤ ਜੋਖਮਾਂ ਨੂੰ ਸਾਂਝਾ ਕਰਨਾ ਚਾਹੁੰਦੀ ਹਾਂ। ਤੁਹਾਡੇ ਸਾਰੇ ਪਿਆਰ ਅਤੇ ਸਮਰਥਨ ਨਾਲ ਮੈਂ ਆਪਣੀ ਜ਼ਿੰਦਗੀ ਨੂੰ ਮੁੜ ਸੰਤੁਲਿਤ ਕਰਨ ਅਤੇ ਤੁਹਾਡੇ ਕੋਲ ਜਲਦੀ ਹੀ ਵਾਪਸ ਆਉਣ ਦੀ ਉਮੀਦ ਕਰਦੀ ਹਾਂ। ਨਾਜ਼ੁਕ ਸਮਿਆਂ ਵਿੱਚ ਤੁਹਾਡਾ ਸਮਰਥਨ ਅਤੇ ਸਮਝ ਮੇਰੇ ਲਈ ਬਹੁਤ ਮਾਇਨੇ ਰੱਖਦਾ ਹੈ।
ਗਾਇਕਾਂ ਦੀਆਂ ਪ੍ਰਤੀਕਿਰਿਆਵਾਂ: ਅਲਕਾ ਨੇ ਜਿਵੇਂ ਹੀ ਪੋਸਟ ਸ਼ੇਅਰ ਕੀਤੀ, ਗਾਇਕਾਂ ਅਤੇ ਪ੍ਰਸ਼ੰਸਕਾਂ ਦੀਆਂ ਪ੍ਰਤੀਕਿਰਿਆਵਾਂ ਆਉਣੀਆਂ ਸ਼ੁਰੂ ਹੋ ਗਈਆਂ। ਗਾਇਕ ਸੋਨੂੰ ਨਿਗਮ ਨੇ ਟਿੱਪਣੀ ਕਰਦੇ ਹੋਏ ਲਿਖਿਆ, 'ਮੈਨੂੰ ਪਤਾ ਸੀ ਕਿ ਕੁਝ ਠੀਕ ਨਹੀਂ ਸੀ। ਜਦੋਂ ਮੈਂ ਵਾਪਸ ਆਵਾਂਗਾ ਤਾਂ ਮੈਂ ਤੁਹਾਨੂੰ ਮਿਲਾਂਗਾ। ਮੈਂ ਤੁਹਾਡੀ ਜਲਦੀ ਸਿਹਤਯਾਬੀ ਲਈ ਪ੍ਰਮਾਤਮਾ ਅੱਗੇ ਅਰਦਾਸ ਕਰਦਾ ਹਾਂ।'
