Viral Video: ଫଟୋ ଉଠାଇବା ହେଲା କାଳ, ଝରଣାରେ ଭାସିଯାଇ ଯୁବକ ନିଖୋଜ

ଚେନ୍ନାଇ: ଯୁବକଙ୍କ ପାଇଁ କାଳ ହେଲା ଝରଣା ନିକଟରେ ବିପଦଜ୍ଜନକ ଅବସ୍ଥାରେ ଫଟୋ ପୋଜ୍‌ । ଅସାବଧାନତା ଯୋଗୁଁ ଝରଣାରେ ଖସି ପଡ଼ି ନିଖୋଜ ହୋଇଯାଇଛନ୍ତି ଯୁବକ । ତାମିଲନାଡ଼ୁ ଡିଣ୍ଡିଗୁଲ୍‌ ନିକଟ ପୁଲ୍ଲାଭେଲି ଝରଣା ନିକଟରେ ଏହି ଘଟଣା ଘଟିଛି । ପାରମାକୁଡିର ଯୁବକ ଅଜୟ ପାଣ୍ଡିଆନ ଗତକାଲି (ବୁଧବାର) ବିପଦପୂର୍ଣ୍ଣ ଭାବେ ଫଟୋ ଉଠାଉଥିବା ସମୟରେ ଏହି ଅଘଟଣ ଘଟିଛି । ସେ ପ୍ରାୟ ୧୦୦ ଫୁଟ ତଳକୁ ଖସି ପଡ଼ିଥିବାବେଳେ ଅଥୁର ଅଗ୍ନିଶମ ବିଭାଗ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ପ୍ରାୟ ୫ ଘଣ୍ଟା ଧରି ଖୋଜାଖୋଜି ପରେ ମଧ୍ୟ ନିଖୋଜ ରହିଛନ୍ତି ଅଜୟ ।