ପଞ୍ଚାୟତକୁ ନିଶାମୁକ୍ତ କରିବାକୁ ଅଣ୍ଟା ଭିଡିଲେ ମହିଳା ସରପଞ୍ଚ

ବ୍ରହ୍ମଗିରି: ବ୍ରହ୍ମଗିରି ବ୍ଲକର ବ୍ରହ୍ମଗିରି ପଞ୍ଚାୟତକୁ ସମ୍ପୂର୍ଣ୍ଣ ନିଶାମୁକ୍ତ କରିବାକୁ ସରପଞ୍ଚ ରାଧାରାଣୀ ଦଳାଇ ଅଣ୍ଟା ଭିଡିଛନ୍ତି । ଅଞ୍ଚଳର ବିଭିନ୍ନ ମହିଳା ସ୍ୱୟଂ ସହାୟକ ଗୋଷ୍ଠୀ ସହାୟତାରେ ବ୍ରହ୍ମଗିରି ସରପଞ୍ଚ ରାଧାରାଣୀ ପ୍ରୟାସ ଆରମ୍ଭ କରିଛନ୍ତି । ଏବେର ଯୁବ ପିଢ଼ି ନିଶା କବଳରେ କବଳିତ ହେଉଛନ୍ତି । ପ୍ରତିଦିନ ମଦ, ଗଞ୍ଜେଇ ଓ ବ୍ରାଉନସୁଗର ନିଶାରେ ନିଜକୁ ବୁଡାଇ ରଖୁଛନ୍ତି । ଏହା ଦ୍ଵାରା ଚୋରି ଡକାୟତି ରାହାଜାନି ଦିନକୁ ଦିନ ବଢ଼ିବାରେ ଲାଗିଛି । ଯୁବ ପିଢିକୁ ଏଥିରୁ ନିବୃତ କରିବା ପାଇଁ ସରପଞ୍ଚ ମା' ଭଉଣୀ ମାନଙ୍କୁ ସାଙ୍ଗରେ ନେଇ ଘର ଘର ବୁଲି ଯୁବକ ମାନଙ୍କୁ ସଚେତନ କରିଛନ୍ତି । ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ