ବାବା ନିହାଲ୍‌ ସିଂହ ଗୁରୁଦ୍ୱାର, ମାନସିକ ପୂରଣ ପାଇଁ ଖେଳନା ବିମାନ

ଚଣ୍ଡିଗଡ଼: ଭଗବାନଙ୍କ ନିକଟରେ କିଏ କେତେ ପ୍ରକାର ମାନସିକ କରିଥାଆନ୍ତି । ମାନସିକ ପୂରଣ ହେଲେ ଯାହା ମାନସିକ ଥାଏ ତାହା ପୂରଣ କରିବାକୁ ହୁଏ । କିଏ ବ୍ରାହ୍ମଣ ଭୋଜନ କରାଏ ତ କିଏ ପୂଣି ଦଣ୍ଡବତ କରି ମନ୍ଦିର ଯାତ୍ରା କରେ । ଭଳି କି ଭଳି ମାନସିକ କରନ୍ତି ଶ୍ରଦ୍ଧାଳୁ । କିନ୍ତୁ ପଞ୍ଜାବରେ ଏଭଳି ଏକ ଗୁରୁଦ୍ବାର ରହିଛି, ଯେଉଁଠି ମାନସିକ ପୂରଣ ହେଲେ ଶ୍ରଦ୍ଧାଳୁ ଖେଳନା ବିମାନ ଭଗବାନଙ୍କୁ ଦେଇଥାଆନ୍ତି । ଜଳନ୍ଧରର ବାବା ନିହାଲ୍‌ ସିଂହ ଗୁରୁଦ୍ବାରରେ ବିଦେଶ ଯାତ୍ରା ମାନସିକ କରନ୍ତି ଶ୍ରଦ୍ଧାଳୁ (toy planes offered at Baba Nihal Singh Ji Gurdwara ) । ମାନସିକ ପୂରଣକ ହେଲେ ଗୁରୁଦ୍ବାର ବାବାଙ୍କ ନିକଟରେ ଖେଳନା ବିମାନ ଲାଗି କରାଇ ଥାଆନ୍ତି । ଏଠାରେ ବିଦେଶ ଯାତ୍ରା ପାଇଁ ମାନସିକ କଲେ ପୂରଣ ହେବାନେଇ ମାନ୍ୟତା ରହିଛି । ଏଥିପାଇଁ ଗୁରୁଦ୍ବାରର ପାର୍ଶ୍ବରେ ଥିବା ଦୋକାନ ଗୁଡ଼ିକରେ ଶହଶହ ସଂଖ୍ୟା ବିମାନ ବିକ୍ରି ହେଉଥିବା ଦେଖିବାକୁ ମିଳେ ।