ବ୍ୟାସ ସରୋବର ଜଗନ୍ନାଥ ମନ୍ଦିରରେ ରଥଯାତ୍ରା ଅନୁଷ୍ଠିତ

ଯାଜପୁର: ବ୍ୟାସ ସରୋବର ଜଗନ୍ନାଥ ମନ୍ଦିରରେ ବହୁ ଆଡ଼ମ୍ବର ସହ ପାଳନ ହୋଇଛି ରଥଯାତ୍ରା । ଦୀର୍ଘ ୨ ବର୍ଷ ପରେ ଭକ୍ତଙ୍କ ଗ୍ରହଣରେ ଅନୁଷ୍ଠିତ ହେଉଥିବାରୁ ଭକ୍ତଙ୍କ ଭିତରେ ଦେଖିବାକୁ ମିଳିଛି ଉତ୍ସାହ । ନିର୍ଦ୍ଧାରିତ ସମୟସୂଚୀରେ ସାମାନ୍ୟ ବ୍ୟତିକ୍ରମ ହୋଇଥିଲେ ହେଁ ଚତୁର୍ଦ୍ଧାମୂର୍ତ୍ତି ରଥକୁ ଗଲାପରେ ରାଜା ଦିଲ୍ଲୀପ କୁମାର ରାଉତ ଛେରାପହଁରା କରିଥିଲେ । ଏହାପରେ ମନ୍ଦିରର ବଡ଼ପଣ୍ଡା ପୀତବାସ ପତିଶର୍ମା ତିନି ଠାକୁରଙ୍କ ନିକଟରେ ପୂଜାର୍ଚ୍ଚନା ସାରିବା ପରେ ଭକ୍ତମାନେ ରଥ ଟାଣିଥିଲେ । ତେବେ ଏଠାରେ ସହରର ହଜାର ହଜାର ଭକ୍ତଙ୍କ ସମଗାଗମ ହେଇଥିଲା । ଇଟିଭି ଭାରତ, ଯାଜପୁର