ହାଇଦ୍ରାବାଦ: ଜ୍ୟୋତିଷ ଶାସ୍ତ୍ର ଅନୁସାରେ, ସମସ୍ତ ଗ୍ରହ ଏକ ନିର୍ଦ୍ଦିଷ୍ଟ ସମୟ ମଧ୍ୟରେ ରାଶି ପରିବର୍ତ୍ତନ କରିଥାନ୍ତି । ଯାହା ସମସ୍ତ ରାଶି ଉପରେ ପ୍ରଭାବ ପକାଇଥାଏ । ଏହି ଗୋଚର ଯୋଗୁଁ କିଛି ଲୋକଙ୍କ ଭାଗ୍ୟ ବଦଳିଯାଏ । ଏହାସହ କିଛି ଲୋକଙ୍କୁ ସମସ୍ୟାର ସମ୍ମୁଖୀନ ହେବାକୁ ପଡ଼ିଥାଏ । ଫେବୃଆରୀ ମାସରେ ୪ଟି ପ୍ରମୁଖ ଗ୍ରହ ରାଶି ପରିବର୍ତ୍ତନ କରିବାକୁ ଯାଉଛନ୍ତି । ଯାହାଦ୍ଵାରା ସମସ୍ତ ରାଶିକୁ ନିଶ୍ଚିତ ଭାବରେ କିଛି ଲାଭ ମିଳିବାର ସମ୍ଭାବନା ରହିଛି । ତେବେ ବିଶେଷ କଥା ହେଉଛି ଯେ, ବୁଧ ଗ୍ରହ ଏହି ମାସରେ ୨ ଥର ରାଶି ପରିବର୍ତ୍ତନ କରିବେ ।
ଲକ୍ଷ୍ନୌର ଜ୍ୟୋତିଷ ଡକ୍ଟର ଉମାଶଙ୍କର ମିଶ୍ରଙ୍କ କହିବା ଅନୁସାରେ, ଫେବୃଆରୀ ମାସରେ ଗ୍ରହମାନଙ୍କର ଗୋଚର ଫେବୃଆରୀ ୪ରୁ ଆରମ୍ଭ ହେବ । ଏହି ଦିନ, ଦେବଗୁରୁ ବୃହସ୍ପତି ସିଧାସଳଖ ବୃଷ ରାଶିରେ ପ୍ରବେଶ କରିବେ । ଫେବୃଆରୀ ୧୧ ତାରିଖରେ ବୁଧ ଗ୍ରହ, ଶନିଙ୍କ ରାଶି କୁମ୍ଭରେ ପ୍ରବେଶ କରିବେ । ଏହାପରେ, ସୂର୍ଯ୍ୟ ମଧ୍ୟ ଶନିଙ୍କ ରାଶି କୁମ୍ଭରେ ପ୍ରବେଶ କରିବେ । ଶନିଦେବ ପୂର୍ବରୁ ତାଙ୍କ ନିଜ ରାଶି କୁମ୍ଭରେ ଉପସ୍ଥିତ ଅଛନ୍ତି । ତେଣୁ ୧୧ ଫେବୃଆରୀ ପରେ ତ୍ରିଗ୍ରହୀ ଯୋଗ ସୃଷ୍ଟି ହେବ । ଏହା ପରେ, ମଙ୍ଗଳ ବୃଷ ରାଶିରେ ପ୍ରବେଶ କରିବ । ଶେଷରେ, ବୁଧ ପୁନର୍ବାର ତାଙ୍କ ରାଶି ପରିବର୍ତ୍ତନ କରିବେ ଏବଂ ବୃହସ୍ପତିଙ୍କ ରାଶି, ମୀନ ରାଶିରେ ପ୍ରବେଶ କରିବ । ଏହି ୪ଟି ଗ୍ରହର ଗୋଚର ହେତୁ, ଫେବୃଆରୀ ମାସଟି ବିଶେଷ ହେବାକୁ ଯାଉଛି । ଏହି ରାଶି ପରିବର୍ତ୍ତନ କିଛି ରାଶି ପାଇଁ ବିଶେଷ ଲାଭଦାୟକ ହେବ । ଆସନ୍ତୁ ଜାଣିବା କେଉଁଗୁଡ଼ିକ ସେହି ଭାଗ୍ୟବାନ ରାଶି ।
ମିଥୁନ:
ଫେବୃଆରୀ ମାସ ମିଥୁନ ରାଶିର ଲୋକଙ୍କ ପାଇଁ ପରିବର୍ତ୍ତନ ଆଣିପାରେ । ଯେଉଁମାନେ ସହଭାଗୀତାରେ ବ୍ୟବସାୟ କରୁଛନ୍ତି ସେମାନେ ଲାଭ ପାଇବାର ସମ୍ଭାବନା ଅଛି । ସେମାନେ ସେମାନଙ୍କର ବ୍ୟବସାୟ ମଧ୍ୟ ବିସ୍ତାର କରିପାରିବେ । ଯଦି କୋର୍ଟ ମାମଲାଗୁଡ଼ିକ ସେମାନଙ୍କ ସପକ୍ଷରେ ରହିବା ସହ ଆପଣଙ୍କୁ ଆଶ୍ୱସ୍ତି ମିଳିବ । ଜୀବନସାଥୀଙ୍କ ସହିତ ସମ୍ପର୍କ ମଜବୁତ ହେବ । ଏକାଠି ଭ୍ରମଣ କରିବାକୁ ମଧ୍ୟ ଯୋଜନା କରିପାରିବେ ।
କର୍କଟ:
ଫେବୃଆରୀ ମାସ କର୍କଟ ରାଶିର ଲୋକଙ୍କ ପାଇଁ ଅନେକ ଲାଭ ଆଣି ଆସୁଛି । ଲେଖା, ଗଣମାଧ୍ୟମ ଏବଂ ମୁଦ୍ରଣ ସହିତ ଜଡିତ ବ୍ୟକ୍ତିମାନେ ପୁରୁଣା ନିବେଶରୁ ଅପ୍ରତ୍ୟାଶିତ ଟଙ୍କା ପାଇପାରନ୍ତି । ବିରୋଧୀମାନେ ଅପମାନିତ କରିବାକୁ ଚେଷ୍ଟା କରିବେ, କିନ୍ତୁ ସେମାନଙ୍କୁ ପରାସ୍ତ କରିବାରେ ସଫଳ ହେବେ । ସମ୍ପର୍କୀୟ କିମ୍ବା ଘର ଲୋକଙ୍କଠାରୁ ଏକ ମହଙ୍ଗା ଉପହାର ମିଳିପାରେ । ଏହି ମାସଟି ପ୍ଲଟ୍ କିମ୍ବା ଫ୍ଲାଟ୍ କିଣିବା ପାଇଁ ସବୁଠାରୁ ଉପଯୁକ୍ତ ହେବ ।
ସିଂହ: ସିଂହ ରାଶି ବ୍ୟକ୍ତିଙ୍କ ଜୀବନରେ ଥିବା ସମସ୍ତ ବାଧା ଫେବୃଆରୀ ମାସରେ ଶେଷ ହୋଇଯିବ । କାର୍ଯ୍ୟସ୍ଥଳରେ ଉପରିସ୍ଥ କର୍ମଚାରୀ କାମରେ ସନ୍ତୁଷ୍ଟ ହେବେ ଏବଂ କର୍ମକ୍ଷେତ୍ରରେ ପଦୋନ୍ନତି ମଧ୍ୟ ମିଳିପାରେ । ପୈତୃକ ସମ୍ପତ୍ତି ପାଇବାର ମଧ୍ୟ ସମ୍ଭାବନା ଅଛି । ଏହା ସହିତ, ଏକ ନୂତନ ଗାଡ଼ି କିଣିବାକୁ ନିଷ୍ପତ୍ତି ନେଇପାରନ୍ତି । ଏହି ସମୟ ମଧ୍ୟରେ, ଧାର୍ମିକ ଏବଂ ସାମାଜିକ କାର୍ଯ୍ୟକଳାପରେ ଅଂଶଗ୍ରହଣ କରିବାର ସୁଯୋଗ ମିଳିବ, ଯାହା ଆପଣଙ୍କୁ ଖୁସି ରଖିବ ।
କୁମ୍ଭ: କୁମ୍ଭ ରାଶିର ଲୋକମାନେ ଯେଉଁମାନେ ବହୁତ ଦିନ ଧରି ନିଜର ବ୍ୟବସାୟ ଆରମ୍ଭ କରିବାକୁ ଯୋଜନା କରୁଛନ୍ତି, ସେମାନେ ଫେବୃଆରୀରେ ଏହା ଆରମ୍ଭ କରିପାରିବେ । ଆରମ୍ଭରେ କିଛି ସମୟ ଲାଗିବ, କିନ୍ତୁ ପରେ ସେମାନଙ୍କର କାମ ସଫଳତାର ସହ ଚାଲିବା ଆରମ୍ଭ କରିବ । ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତ ହେଉଥିବା ଛାତ୍ରଛାତ୍ରୀମାନଙ୍କୁ ଭଲ ଖବର ମିଳିପାରେ ।
ଏହା ମଧ୍ୟ ପଢ଼ନ୍ତୁ...ମଙ୍ଗଳଙ୍କ ରାଶି ପରିବର୍ତ୍ତନ: କେଉଁ ରାଶି ପାଇଁ ଶୁଭ ଓ କାହା ପାଇଁ ଅଶୁଭ, ଜାଣନ୍ତୁ.. ଏହା ମଧ୍ୟ ପଢ଼ନ୍ତୁ...ଠାକୁର ଘରେ ଏସବୁ ଜିନିଷ ରଖିଛନ୍ତି କି ? ହୋଇପାରେ ଅର୍ଥ ସମସ୍ୟା, କ'ଣ କହୁଛି ବାସ୍ତୁଶାସ୍ତ୍ର |
Disclaimer: ଏଠାରେ ଦିଆଯାଇଥିବା ସୂଚନା ଜ୍ୟୋତିଷ, ବାସ୍ତୁଶାସ୍ତ୍ର ଏବଂ ବିଦ୍ୱାନମାନଙ୍କ ମତ ଉପରେ ଆଧାରିତ । ETV Bharat ବ୍ୟକ୍ତିଗତ ଭାବରେ କୌଣସି ଦାବିକୁ ସମର୍ଥନ କରେନାହିଁ ।
