ରାଜ୍ୟସଭା ଯିବାକୁ ଆଶାୟୀ ପ୍ରସନ୍ନ ପାଟ୍ଟଶାଣୀ, କହିଲେ ପ୍ରତିଶୃତି ରଖନ୍ତୁ ନବୀନ

ଭୁବନେଶ୍ବର: ରବିବାର ଦିନ ରାଜ୍ୟ କାର୍ଯ୍ୟାଳୟରେ ପାଳିତ ହୋଇଯାଇଛି ବିଜେଡିର ୨୫ତମ ପ୍ରତିଷ୍ଠା ଦିବସ । ପ୍ରତିଷ୍ଠା ଦିବସ ଅବସରରେ ମୁହଁ ଖୋଲିଲେ ପୁର୍ବତନ ଭୁବନେଶ୍ଵର ସାଂସଦ ପ୍ରସନ୍ନ ପାଟ୍ଟଶାଣୀ। କହିଲେ ଏବେବି ରାଜ୍ୟସଭା ଯିବା ପାଇଁ ଆଶାୟୀ ଅଛି । ‘‘ଦୁଇଥର ସିଟ ଖାଲି ହୋଇଛି, ତଥାପି ନିରାଶ ହୋଇନି । ଏଥର ମୁଁ ଆଶାବାଦୀ ନବୀନ ତାଙ୍କ ପ୍ରତିଶ୍ରୁତି ରଖିବେ । ବିଜେଡିର ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଷ୍ଟେଜରେ କହିଥିଲେ ଯେ, ନବୀନ କଥା ନୁହେଁ କାମରେ ବିଶ୍ବାସ କରନ୍ତି । ଏହାପରେ ପ୍ରଣବଙ୍କ ମନ୍ତବ୍ୟକୁ ଦୋହରାଇ ପ୍ରସନ୍ନ ପାଟଶାଣୀ କହିଛନ୍ତି, ନବୀନ ତାଙ୍କ ପ୍ରତିଶ୍ରୁତି ରକ୍ଷା କରନ୍ତୁ । ମୁଁ ସେଇ ବିଶ୍ବାସକୁ ନେଇ ଦଳର କାର୍ଯ୍ୟ କରୁଛି । ସବୁ ସ୍ଥାନକୁ ଯାଉଛି ଏବଂ ମିଟିଂ ଆଟେଣ୍ଡ କରୁଛି’’ । ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ