ରାତିଯାକ ଗାନ୍ଧୀ ମୂର୍ତ୍ତି ତଳେ ବସି କିଛି ଶିଖିଲେନି ବିଜେପି ନେତା: ପ୍ରମିଳା

ଭୁବନେଶ୍ବର: ବାଚସ୍ପତିଙ୍କୁ ଚପଲ ଫିଙ୍ଗା ଘଟଣାରେ ରବିବାର ପୁଣି ବିଜେ଼ଡି ବିଧାୟିକା ପ୍ରମିଳା ମଲ୍ଲିକଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ସେ କହିଛନ୍ତି, ବିଜେପି ନେତା ଡବଲ ଷ୍ଟାଣ୍ଡାର୍ଡ କଥା କହୁଥିବା ବେଳେ ବିଜେପି ନେତା ଧୂଆଁବାଣ ମାରୁଛନ୍ତି । ସେମାନେ ଭୁଲ କରିଛନ୍ତି ସେଥିପାଇଁ ଭୁଲକୁ ଲୁଚାଇବାକୁ ବୁଲେଇ ଲୋକଙ୍କୁ କଥା କହୁଛନ୍ତି । ସେମାନେ ସବୁବେଳେ କହିବା ପାଇଁ ଚେଷ୍ଟା କରୁଛନ୍ତି। ଆହୁରି ୧୪୭ ବିଧାୟକ ବି ଅଛନ୍ତି । ସେମାନଙ୍କୁ ବି ସମୟ ମିଳିବା ଦରକାର। ବିଜେପି ହିଂସ୍ର ଆଉ ଉଗ୍ର ହୋଇ ଉଠୁଛନ୍ତି । ଯାହାକୁ ଓଡ଼ିଶା ବାସୀ ଗ୍ରହଣ କରିବେ ନାହିଁ। ବାଚସ୍ପତି କୌଣସି ପକ୍ଷପାତିତା କରୁନାହାନ୍ତି। ନିରପେକ୍ଷ ଭାବେ ପରିଚାଳନା କରୁଛନ୍ତି। ମହାତ୍ମା ଗାନ୍ଧୀଙ୍କ ମୂର୍ତ୍ତି ତଳେ ବସି ଅହିଂସା ଶିଖନ୍ତୁ । କିନ୍ତୁ ସେମାନେ ରାତିଯାକ ବସି ମଧ୍ୟ କିଛି ଶିଖିଲେନି । ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ