ଦାବି ପୂରଣ ପାଇଁ ପାରଳାଖେମୁଣ୍ଡି ରେଳଷ୍ଟେସନରେ ରେଳରୋକ୍‌

ଗଜପତି: ତିନୋଟି ଦାବି ନେଇ ପୁରୀ-ଗୁଣୁପୁର ଟ୍ରେନ ଆଗରେ ଧାରଣା । ଆଜି ସକାଳେ ପାରଳାଖେମୁଣ୍ଡି ସ୍ଥିତ ରେଳଷ୍ଟେସନଠାରେ ଜନସାଧାରଣ ଧାରଣା ଦେଇଥିଲେ । ପ୍ଲାଟଫର୍ମର ଉଚ୍ଚତା ବୃଦ୍ଧି, ସୁଦ୍ଧ ପାନୀୟ ଜଳ, ପ୍ରତିକ୍ଷାଳୟ ଭଳି ବିଭିନ୍ନ ଦାବି ନେଇ ଟ୍ରେନ୍‌ ସାମ୍ନାରେ ଧାରଣା ଦେଇଥିଲେ । ପ୍ରାୟ ୪୫ ମିନିଟରୁ ଅଧିକ ସମୟ ଧରି ରେଳରୋକ କରିଥିଲେ । ଫଳରେ ଯାତ୍ରୀମାନେ ଅସୁବିଧାର ସମ୍ମୁଖୀନ ହୋଇଥିଲେ । ଷ୍ଟେସନ ମାଷ୍ଟରଙ୍କୁ ଏକ ସ୍ମାରକପତ୍ର ପ୍ରଦାନ କରି ଧାରଣାରୁ ଓହରିଥିଲେ । ଇଟିଭି ଭାରତ, ଗଜପତି