ହାଇଦ୍ରାବାଦ: ହତ୍ୟାକାରୀକୁ ଧରାଇ ଦେଲା କଣ୍ଡୋମ ପ୍ୟାକେଟ । କଥାଟା ଶୁଣିବାକୁ ଆଶ୍ଚର୍ଯ୍ୟ ଲାଗୁଥାଇପାରେ । କିନ୍ତୁ ଏମିତି ପ୍ରକୃତରେ ଘଟିଛି । ଏକ ହତ୍ୟା ଘଟଣାର ଖୁଲାସା କରିଛି କଣ୍ଡୋମ ପ୍ୟାକେଟ । ଏଭଳି ଘଟଣା ଘଟିଛି ହାଇଦ୍ରାବାଦର ମେଦଚାଲ ଅଞ୍ଚଳରେ । ଜଣେ ମହିଳାଙ୍କୁ ହତ୍ୟା ଘଟଣାର ପର୍ଦ୍ଦାଫାଶ କରିଛି ହାଇଦ୍ରାବାଦ ପୋଲିସ । ଇନସ୍ପେକ୍ଟର ସତ୍ୟନାରାୟଣ, ଏସିପି ଶ୍ରୀନିବାସ ରେଡ୍ଡୀ, ଅତିରିକ୍ତ ଡିସିପି ପୁରୁଷୋତ୍ତମ ଏବଂ ଡିସିପି କେଥିରେଡ୍ଡୀ ହତ୍ୟାକାଣ୍ଡର ଖୁଲାସା କରିଛନ୍ତି ।
- ଟଙ୍କା କାରବାରକୁ ନେଇ ହତ୍ୟା
ଟଙ୍କା କାରବାରକୁ ନେଇ ବିବାଦ ପରେ ଘଟିଛି ହତ୍ୟାକାଣ୍ଡ । ନିଜାମବାଦ ଜିଲ୍ଲା ସେତିପେଟର 45 ବର୍ଷୀୟ ମହିଳାଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଥିଲା । ଯାହାର ତଦନ୍ତ କରି ହତ୍ୟାକାରୀକୁ ଧରିଛି ପୋଲିସ । ମହିଳା ଜଣକ ସ୍ବାମୀଙ୍କ ଠୁ ଅଲଗା ରହୁଥିବାବେଳେ କୁସାଇଗୁଡାରେ ରହି ଶ୍ରମିକ ଭାବେ କାମ କରୁଥିଲେ । ଗତ 24 ତାରିଖରେ ମହିଳା ଜଣକ କାମ ପାଇଁ ମେଡଚାଲ ବସଷ୍ଟାଣ୍ଡ ନିକଟରେ ପହଞ୍ଚିଥିଲେ । ଏହି ସମୟରେ ତାଙ୍କୁ 37 ବର୍ଷୀୟ ଶୈଖ ଇମାମ ଭେଟିଥିଲେ । ସମୀରପେଟର ଇମାମ ମହିଳାଙ୍କ ସହ ଏକ ଡିଲ୍ କରିଥିଲେ । ତାଙ୍କ ସହ ଏକାକୀ ସମୟ ବିତାଇବାକୁ ସେ ମହିଳାଙ୍କୁ ଡାକିଥିଲେ । ଏଥିପାଇଁ ସେ ମହିଳାଙ୍କୁ 500 ଟଙ୍କା ଦେବାକୁ ପ୍ରତିଶ୍ରୁତି ବି ଦେଇଥିଲେ । ମୁନିରବାଦରେ ଥିବା ଏକ ନିଛାଟିଆ ସ୍ଥାନକୁ ମହିଳାଙ୍କୁ ସାଙ୍ଗରେ ନେଇ ଯାଇଥିଲେ ଇମାମ।
ଏହା ମଧ୍ୟ ପଢନ୍ତୁ ଝିଅକୁ ଦୁଷ୍କର୍ମ ମାମଲାରେ ବାପାକୁ ଆଜୀବନ, ୪ ବର୍ଷ ପରେ ସଜା
ଏହା ମଧ୍ୟ ପଢନ୍ତୁ ୱେବ ସିରିଜ ଦେଖି ପତ୍ନୀଙ୍କୁ ହତ୍ୟା ପରେ ଏମିତି ପ୍ରମାଣ ନଷ୍ଟ କରିଥିଲା ଅବସରପ୍ରାପ୍ତ ସେନା କର୍ମଚାରୀ
କିନ୍ତୁ ସେଠାକୁ ଯିବା ପରେ ମହିଳା ଜଣକ ଅଧିକ ଟଙ୍କା ଦାବି କରିଥିଲେ । ଟଙ୍କାକୁ ନେଇ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ମହିଳାଙ୍କ ତଣ୍ଟି ଚିପି ଦେଇଥିଲେ ଯୁବକ । ତଥାପି ଯୁବକଙ୍କ ରାଗ ଶାନ୍ତ ହୋଇନଥିଲା । ସେ ଏକ ପଥର ଆଣି ମହିଳାଙ୍କୁ ଛେଚି ହତ୍ୟା କରିଥିଲେ । ଯେମିତି ମୃତଦେହର ପତ୍ତା କାହାକୁ ନ ମିଳୁ ଏଥିପାଇଁ ମୃତଦେହ ଶରୀରରେ ସେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ । ଏହା ପରେ ଘଟଣାସ୍ଥଳରୁ ଫେରାର ହୋଇଯାଇଥିଲା ଅଭିଯୁକ୍ତ ।
- ଡିଜିଟାଲ ପେମେଣ୍ଟ ଧରାଇଦେଲା
ଘଟଣାର ତଦନ୍ତରୁ ମୃତ ମହିଳାଙ୍କ ପରିଚୟ ମିଳିଥିଲା । ତାଙ୍କ ଫୋନ ନମ୍ବର ଆଣି ଯାଞ୍ଚ ବେଳେ ମହିଳାଙ୍କ ଲାଷ୍ଟ୍ ଲୋକେସନ ମୁନିରାବାଦ ଦେଖାଇଥିଲା । ଏହାପରେ ପୋଲିସ ଖୋଳତାଡ ଆରମ୍ଭ କରିଥିଲା । ଅଞ୍ଚଳର ସମସ୍ତ ସିସିଟିଭି ଯାଞ୍ଚ କରିଥିଲା ପୋଲିସ । ସିସିଟିଭି ଯାଞ୍ଚ ବେଳେ ଏକ ଔଷଧ ଦୋକାନ ବାହାରେ ଜଣେ ପୁରୁଷ ଓ ମହିଳାଙ୍କୁ ସନ୍ଦିଗ୍ଧ ଭାବେ ଦେଖିବାକୁ ମିଳିଥିଲା । ସେମାନେ ସେହି ଦୋକାନରୁ କଣ୍ଡୋମ ପ୍ୟାକେଟ କିଣିଥିଲେ । ଏହାପରେ ଅଭିଯୁକ୍ତ ଇମାମ ସେଠାରେ ଡିଜିଟାଲ ପେମେଣ୍ଟ କରିଥିଲା । ଦୋକାନରେ ପେମେଣ୍ଟ ହୋଇଥିବା ନମ୍ବର ଇମାମର ହୋଇଥିବା ତଦନ୍ତରୁ ଜଣାପଡିଥିଲା । ଏହି ଘଟଣାରେ ଇମାମକୁ ଗିରଫ କରି ପୋଲିସ କୋର୍ଟ ଚାଲାଣ କରିଛି ।
