ରେଶମ ସହରରେ ଅସହ୍ୟ ଗରମ, ବିଭିନ୍ନ ସ୍ଥାନରେ ଖୋଲିଲା ଜଳଛତ୍ର

ବ୍ରହ୍ମପୁର: ରେଶମ ସହର ବ୍ରହ୍ମପୁରରେ ଦିନ ୧୦ଟା ହୋଇଗଲେ ଘରୁ ବାହାରିବା ଏକ ପ୍ରକାର କଷ୍ଟକର ହୋଇପଡିଛି । ଅସହ୍ୟ ଗରମ ପାଇଁ ଜନଜୀବନ ଏକ ପ୍ରକାର ଅସ୍ତବ୍ୟସ୍ତ ହୋଇପଡିଛି । ମଧ୍ୟାହ୍ନ ସମୟରେ କେହି ଘରୁ ବାହାରୁ ନାହାନ୍ତି । ପ୍ରଚଣ୍ଡ ଖରାକୁ ଦୃଷ୍ଟିରେ ରଖି ସହରର ପ୍ରମୁଖ ସ୍ଥାନରେ ବିଭିନ୍ନ ସଙ୍ଗଠନ ପକ୍ଷରୁ ଜଳଛତ୍ର ଖୋଲାଯାଇଛି । ବିଭିନ୍ନ ଗୁରୁତ୍ୱପୂର୍ଣ୍ଣ କାର୍ଯ୍ୟରେ ବ୍ରହ୍ମପୁର ସହରକୁ ଆସୁଥିବା ପଥଚାରୀଙ୍କୁ ପାନୀୟ ଜଳ ଠାରୁ ଆରମ୍ଭ କରି ସରବତ ବଣ୍ଟନ କରାଯାଉଛି । ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ