ଚାଲିଥିଲା କାର୍ଯ୍ୟକ୍ରମ: ହଠାତ ଖସିଲା ଖମ୍ବ, ଅଳ୍ପକେ ବର୍ତ୍ତିଲେ ସାଂସଦ

ବେଙ୍ଗାଲୁରୁ: ଚାଲିଥିଲା କାର୍ଯ୍ୟକ୍ରମ । ଆଲୋକମାଳାରେ ଝଲସୁଥିଲା ଷ୍ଟେଜ । ହେଲେ ହଠାତ ଘଟିଲା ଅଘଟଣ । କାର୍ଯ୍ୟକ୍ରମ ଚାଲିଥିବା ସମୟରେ ଆଲୋକ ପାଇଁ ଲୁହାଷ୍ଟାଣ୍ଡରେ ଲାଗିଥିବା ଲାଇଟଗୁଡ଼ିକ ହଠାତ୍‌ ଖସିପଡ଼ିଥିଲା ଷ୍ଟେଜ ଉପରକୁ । ଯେଉଁଥିରେ ଅଳ୍ପକେ ବର୍ତ୍ତିଯାଇଛନ୍ତି ବିଜେପି ରାଜ୍ୟସଭା ସଦସ୍ୟ ଏରାନ୍ନା କଦାଡି । ଏହି ଅଘଟଣ ଘଟିବା ସମୟରେ ସେ ଷ୍ଟେଜ ଉପରେ ଉପସ୍ଥିତ ଥିଲେ । ଏଭଳି ଘଟଣା କର୍ଣ୍ଣାଟକ ବେଲାଗଭି ଜିଲ୍ଲାର ରାଜପୁର ଗ୍ରାମରେ ଘଟିଛି । ରାଜ୍ୟସଭା ସଦସ୍ୟ ଏରାନ୍ନା ସେଠାରେ ଆୟୋଜିତ ଅରକେଷ୍ଟ୍ରା କାର୍ଯ୍ୟକ୍ରମରେ ଯୋଗ ଦେଇଥିଲେ । ଦୁର୍ଘଟଣା ଘଟିବା ସମୟରେ ପୋଡ଼ିଅମ ନିକଟରେ ୨୦ ଜଣ ଅତିଥି ବସିଥିବା ବେଳେ ତନ୍ମଧ୍ୟରୁ ୨ ଜଣଙ୍କୁ ସାମାନ୍ୟ ଆଘାତ ଲାଗିଥିବା ଜଣାପଡ଼ିଛି । ଗ୍ରାମର ଏକ ଫାର୍ମରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏଥିଲାଗି ଦୁର୍ଘଟଣା ଘଟିଥିବା କହିଛନ୍ତି ଏରାନ୍ନା ।