ମଙ୍ଗଳା ନଦୀ ମୁହାଣ ନିକଟରେ ଭାସୁଛନ୍ତି ଶହ ଶହ ମଲା ମାଛ

ପୁରୀ: ସହରର ମଙ୍ଗଳା ନଦୀ ମୁହାଣ ନିକଟରେ ହଜାର ହଜାର ମାଛ ମରି ପଡ଼ିଥିବା ଦେଖିବାକୁ ମିଳିଛି । ତେବେ ମୁହାଣରେ ଏପରି ମାଛ ମାରିଥିବା ନେଇ କାରଣ ଜଣା ପଡ଼ିନଥିବା ବେଳେ ପାଣି ଦୂଷିତ କାରଣରୁ ଏପରି ଅଭାବନୀୟ ଘଟଣା ଘଟିଥିବା ସନ୍ଦେହ କରାଯାଉଛି । ପୁରୀ ସହରର ନର୍ଦ୍ଦମା ଜଳ ମଙ୍ଗଳା ନଦୀରେ ମିଶୁଥିବା ହେତୁ ନଦୀର ଜଳ ବିଷାକ୍ତ ହୋଇ ଯାଇ ଥିବା ସ୍ଥାନୀୟ ଲୋକେ କହିଛନ୍ତି । ଅଧିକାଂଶ ମାଛ ମେଞ୍ଜିଆ, ପଥରମୁଣ୍ଡି ମାଛ ରହିଥିବା ବେଳେ ଅନ୍ୟାନ୍ୟ ଛୋଟ ବଡ ମାଛ ମଧ୍ୟ ଦେଖିବାକୁ ମିଳିଛି।