ମହାନଦୀ ତଟରେ ଭାସୁଛି କୁଇଣ୍ଟାଲ କୁଇଣ୍ଟାଲ ମଲା ମାଛ

କଟକ: ଟାଙ୍ଗୀ ଚୌଦ୍ଵାର ମହାନଦୀ ପାର୍ଶ୍ଵ ଚଷାପଡ଼ା ଜୋର ମୁହାଁଣରେ ଭାସୁଛନ୍ତି କୁଇଣ୍ଟାଲ କୁଇଣ୍ଟାଲ ମାଛ । ମଣ୍ଡପଡ଼ା ଓ କଟକ ମହାନଦୀ ବ୍ୟାରେଜ ନିକଟରେ ମାଛ ମରି ଭାସୁଥିବା ଦେଖାଯାଇଛି । ଏକ ସାଙ୍ଗରେ କୁଇଣ୍ଟାଲ କୁଇଣ୍ଟାଲ ମାଛ ମରି ଭାସିବା ସ୍ଥାନୀୟ ଅଞ୍ଚଳ ରେଚର୍ଚ୍ଚାର ବିଷୟ ପାଲଟିଛି । ମଲା ମାଛ ଗୁଡ଼ିକ ଦେଖିବା ପାଇଁ ନଦୀକୂଳରେ ଲୋକଙ୍କର ଭିଡ଼ ଲାଗିଛି । ତେବେ ଲଗାଣ ବର୍ଷା ହେବାରୁ ୫୫ନଂ ଜାତୀୟ ରାଜପଥ ପାର୍ଶ୍ୱରେ ଥିବା କମ୍ପାନୀରୁ ନିର୍ଗତ ହେଉଥିବା ବିଷାକ୍ତ ବର୍ଜ୍ୟବସ୍ତୁ ଓ ଜମିରେ କୋଇଲା ଛାଇ, ସ୍ଲାକସ ପକାଇବା ହେତୁ ଛତିସା ପଟରୁ ମହନଦୀକୁ ନିଷ୍କାସନ ହେଉଥିବା ବର୍ଷା ଜଳ ବର୍ଜ୍ୟବସ୍ତୁ ସହ ମିଶି ପାଣି ବିଷାକ୍ତ ହେବାରୁ ମାଛ ଗୁଡ଼ିକ ମାରୁଥିବାର ଅଭିଯୋଗ କରିଛନ୍ତି ସ୍ଥାନୀୟ ଲୋକେ । ସ୍ଥାନୀୟ ମାଛ ଧରାଳି ହଠାତ୍ ଏତେ ପରିମାଣର ମାଛ ମଡକକୁ ନେଇ ଉଦବେଗ ପ୍ରକାଶ କରିବା ସହ ଏହାର ଉଚ୍ଚସ୍ତରୀୟ ତଦନ୍ତ କରିବା ପାଇଁ ଦାବି କରିଛନ୍ତି ।