ବୋତଲ ଭିତରେ ମହିଷାମର୍ଦ୍ଦିନୀ

ଖୋର୍ଦ୍ଧା: ବୋତଲ ଭିତରେ ଝଲସିଲେ ମା' ମହିଷାମର୍ଦ୍ଦିନୀ । ଶାରଦୀୟ ଦୁର୍ଗାପୂଜା ଅବସରରେ ସୂକ୍ଷ୍ମ କଳାକୃତି ପାଇଁ ସବୁବେଳେ ଚର୍ଚ୍ଚାରେ ରହୁଥିବା ଖୋର୍ଦ୍ଧାର ଶିଳ୍ପୀ ଏଲ ଈଶ୍ବର ରାଓ ବୋତଲେ ଭିତରେ ମା' ଜଗତଜନନୀଙ୍କ ସୂକ୍ଷ୍ମ ପ୍ରତିମା ପ୍ରସ୍ତୁତ କରିଛନ୍ତି । 750 ମିଲି କାଚ ବୋତଲ ଭିତରେ ସେ ମା' ଦୁର୍ଗାଙ୍କ ସାଢ଼େ 4 ଇଞ୍ଚ ଉଚ୍ଚ ଓ 3 ଇଞ୍ଚ ଚଉଡାର ମହିଷାମର୍ଦ୍ଦିନୀ ରୂପର କଳାକୃତି କରି ପୁଣିଥରେ ସମସ୍ତଙ୍କ ହୃଦୟ ଜିତିଛନ୍ତି । ଏହି ଅପୂର୍ବ କଳାକୃତି ପାଇଁ ଶିଳ୍ପୀ କାଚ, ମାଟି ଓ କାଗଜ ଖଣ୍ଡ ବ୍ୟବହାର କରିଛନ୍ତି । ଏଥିଲାଗି ତାଙ୍କୁ 10 ଦିନ ସମୟ ଲାଗିଥିବା କହିଛନ୍ତି ଈଶ୍ବର । ନିଜର ଏହି ସୂକ୍ଷ୍ମ କଳାକୃତି ମାଧ୍ୟମରେ ସେ ସଭିଁଙ୍କୁ ଦଶହରାର ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି । ଇଟିଭି ଭାରତ, ଖୋର୍ଦ୍ଧା