କେରଳରେ ପ୍ରବଳ ବର୍ଷା, ଜନଜୀବନ ବ୍ୟାପକ ପ୍ରଭାବିତ

ଥିରୁଅନନ୍ତପୁରମ: କେରଳରେ ପ୍ରବଳ ବର୍ଷା ଯୋଗୁଁ ଜନଜୀବନ ବ୍ୟାପକ ପ୍ରଭାବିତ ହୋଇଛି । ବର୍ଷା ଯୋଗୁଁ ତଳିଆ ଅଞ୍ଚଳରେ ବନ୍ୟା ସ୍ଥିତି ଉତ୍ପନ୍ନ ହୋଇଛି । ବିଶେଷ କରି ଉତ୍ତର କେରଳର କୋଝିକୋଡ୍‌ରେ ଏହାର ଚିତ୍ର ଦେଖିବାକୁ ମିଳିଛି । କେତେକ ସ୍ଥାନରେ ଗଛ ଉପୁଡ଼ି ଲୋକଙ୍କ ଘର ଭାଙ୍ଗିଛି । ସେହିଭଳି ଜମିରେ ପାଣି ଜମି ଲୋକଙ୍କ ଫସଲ ମଧ୍ୟ ନଷ୍ଟ ହୋଇଛି । ପ୍ରଶାସନ ପକ୍ଷରୁ ବର୍ଷାରେ ପ୍ରଭାବିତ ଲୋକଙ୍କୁ ଉଦ୍ଧାର କରିବାକୁ ବ୍ୟାପକ ପ୍ରୟାସ ଜାରି ରହିଛି ।