ମହାଆଡମ୍ବରରେ ସମ୍ପନ୍ନ ହେଲା ବିଘ୍ନ ବିନାଶକଙ୍କ ପୂଜା

ଯାଜପୁର : ଦୁଇ ବର୍ଷ ପରେ ଧୁମଧାମରେ ପାଳିତ ହେଉଛି ବିଘ୍ନ ବିନାଶକଙ୍କ ପୂଜା ( Ganesh Puja ) । ମହାଆଡମ୍ବରରେ ଚାଲିଛି ସିିଦ୍ଧି ଓ ବୁଦ୍ଧି ଦେବତାଙ୍କ ପୂଜାର୍ଚ୍ଚନା । ଜିଲ୍ଲାର 10ଟି ବ୍ଳକ ଦୁଇଟି ପୌର ପରିଷଦରେ ଆଜି ଧୁମଧାମର ସହିତ ପୂଜା ପାଉଛନ୍ତି ପାର୍ବତୀ ନନ୍ଦନ l ବ୍ୟାସନଗର ପୌର ପରିଷଦ ସ୍ଥିତ ପ୍ରେସ କ୍ଳବ କାର୍ଯ୍ୟାଳୟରେ ପବିତ୍ର ଗଣେଶ ପୂଜା ଆଡମ୍ବରରେ ପାଳିତ ହେଇଯାଇଛି l ଗତ ଦୁଇ ବର୍ଷ ହେବ କରୋନା କଟକଣା ଯୋଗୁ ଗଣେଶ ପୂଜା ଫିକା ପଡିଯାଇଥିଲା l ତେବେ ଚଳିତ ବର୍ଷ କଟକଣା କୋହଳ ହେବା ପରେ ବହୁ ଆଡ଼ମ୍ବରରେ ସମ୍ବାଦକ ସଙ୍ଘ, ସ୍କୁଲ, କଲେଜ ଓ ବିଭିନ୍ନ କ୍ଳବରେ ଗଣେଶ ପୂଜା ପାଳନ ହେଉଥିବା ଦେଖିବାକୁ ମିଳିଛି l ବିଘ୍ନନାସକଙ୍କ ରୀତିନୀତି ଅନୁଯାୟୀ ପୂଜା ପାଇଛନ୍ତି ଅଗ୍ରପୂଜ୍ୟ ଗଣେଶ । ଇଟିଭି ଭାରତ, ଯାଜପୁର