ପୋଲିସ କର୍ମୀଙ୍କ କଲର ଧରିଲେ ପୂର୍ବତନ କେନ୍ଦ୍ରମନ୍ତ୍ରୀ ରେଣୁକା ଚୌଧୁରୀ

ହାଇଦ୍ରାବାଦ: ଡ୍ୟୁଟିରେ ଥିବା ପୋଲିସ ଅଧିକାରୀଙ୍କ କଲର ଧରିଲେ ପୂର୍ବତନ କେନ୍ଦ୍ରମନ୍ତ୍ରୀ ରେଣୁକା ଚୌଧୁରୀ । ନ୍ୟାସନାଲ ହେରାଲ୍ଡ ମାମଲାରେ କଂଗ୍ରେସ ଅନ୍ତରୀଣ ଅଧ୍ୟକ୍ଷ ସୋନିଆ ଗାନ୍ଧୀ ଓ ପୂର୍ବତନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ EDର ସମନକୁ ସାରା ଦେଶରେ ତୀବ୍ର ବିରୋଧ କରୁଛନ୍ତି କଂଗ୍ରେସ କର୍ମୀ । ଏହି କ୍ରମରେ ତେଲେଙ୍ଗାନାରେ କଂଗ୍ରେସ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଉଥିଲା । ବରିଷ୍ଠ ନେତ୍ରୀ ରେଣୁକା ଚୌଧୁରୀ ଏଥିରେ ଅଂଶ ଗ୍ରହଣ କରି ଅନ୍ୟ କର୍ମୀଙ୍କ ସହ ରାଜଭବନ ଆଡ଼କୁ ପଦଯାତ୍ରା କରୁଥିଲେ । ତେବେ ହାଇଦ୍ରାବାଦ ପୋଲିସ ତାଙ୍କୁ ଅଧାରାସ୍ତାରୁ ଅଟକାଇବାରୁ ଜଣେ ପୋଲିସ SIଙ୍କ କଲର ଧରିଥିଲେ । ଏହାପୂର୍ବରୁ ତେଲେଙ୍ଗାନା କଂଗ୍ରେସ ସଭାପତି ରେଭନ୍ତ ରେଡ୍ଡୀ ଓ ବିଧାୟକ ଦଳ ନେତା ମଲ୍ଲୁ ଭଟ୍ଟି ବିକ୍ରମର୍କଙ୍କୁ ଗିରଫ କରିଥିଲା ପୋଲିସ । ଏହାକୁ ନେଇ ରେଣୁକାଙ୍କ ବିରୋଧରେ ଏକ ମାମଲା ରୁଜୁ କରିଛି ପଞ୍ଝାଗୁଟା ପୋଲିସ ।