ପ୍ରସିଦ୍ଧ ଦଶପଲ୍ଲା ଲଙ୍କାପୋଡ଼ି ଯାତ୍ରା, ରାବଣ ବଧ କଲେ ପ୍ରଭୁ ଶ୍ରୀରାମ

ନୟାଗଡ଼: ପ୍ରସିଦ୍ଧ ନୟାଗଡ଼ ଜିଲ୍ଲା ଦଶପଲ୍ଲା ଲଙ୍କାପୋଡି ଯାତ୍ରାରେ ରାବଣ ବଧ ଯାତ୍ରା ଅନୁଷ୍ଠିତ ହୋଇଯାଇଛି । ପ୍ରଭୁ ଶ୍ରୀରାମ ଲଙ୍କାପତି ରାବଣକୁ ବ୍ରହ୍ମ ଅସ୍ତ୍ର ଯୋଗେ ବଧ କରିଛନ୍ତି । ବ୍ରହ୍ମସ୍ତ୍ରଟି ରାବଣ ପେଟରେ ବିଧ ହୋଇ ପୁଣି ଫେରିଆସିଥିଲା ପ୍ରଭୁ ରାମଙ୍କ ନିକଟକୁ । ରାବଣ ଵଧ ପରେ ବାଣ ଫୁଟାଇ ଉତ୍ସବ ମନାଇଥିଲେ ଜିଲ୍ଲାବାସୀ । ଯାହାକୁ ଦେଖିବାକୁ ରାଜ୍ୟର ବହୁ ସ୍ଥାନରୁ ଲୋକଙ୍କ ସୁଅ ଛୁଟିଥିଲା ।୨ ବର୍ଷ ପରେ ଯାତ୍ରା ହେଉଥିବାରୁ ସ୍ଥାନୀୟ ବାସିନ୍ଦା ମଧ୍ୟରେ ନାହିଁ ନଥିବା ଉତ୍ସାହ ରହିଛି । ଏହି କ୍ରମରେ ଆଗାମୀ 26 ତାରିଖ ଯାଏଁ ଦଶପଲ୍ଲାରେ ଲକ୍ଷାଧିକ ଭକ୍ତଙ୍କ ସମାଗମ ହେବାକୁ ଥିବା ବେଳେ ଏଥିପାଇଁ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଥିଲା । ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ