ଯବାନଙ୍କ ମହାନତା: ଆସିଲାନି ଆମ୍ବୁଲାନ୍ସ, ପ୍ରସୂତୀକୁ ଖଟିଆରେ ନେଲେ ବୋହି

ରାୟପୁର: ଯବାନଙ୍କ ମହାନତା । ଗର୍ଭବତୀ ମହିଳାଙ୍କୁ ବୋହି ମେଡିକାଲ ନେଲେ ଯବାନ । ସୂଚନା ଅନୁସାରେ, ଦନ୍ତେଓ୍ବାଡା ଜିଲ୍ଲାର ରେଓ୍ବାଲି ଗାଁର କୁର୍ମା ନନ୍ଦେଙ୍କ ପ୍ରସବ ଯନ୍ତ୍ରଣା ହୋଇଥିଲା । ଏନେଇ ପରିବାର ଲୋକେ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ । ହେଲେ ନକ୍ସଲମାନେ ରାସ୍ତା କାଟି ଦେଇଥିବାରୁ ଆମ୍ବୁଲାନ୍ସ ଆସିବା ସମ୍ଭବ ହୋଇନଥିଲା । ପରେ ( DRG jawans ) ଯବାନ ଖଟିଆ ସାହାର୍ଯ୍ୟରେ ପ୍ରସୂତିଙ୍କୁ ମେଡିକାଲରେ ପହଞ୍ଚାଇଥିଲେ । ଯବାନଙ୍କ ଏପରି ମହାନ କାର୍ଯ୍ୟକୁ ବିଭିନ୍ନ ମହଲରୁ ପ୍ରଂଶସା କରାଯାଉଛି ।