କ୍ଷୀରଚୋରା ଗୋପୀନାଥ ମନ୍ଦିରରେ ନଟଖଟିଆକୁ ଦର୍ଶନ କରି ଭାବବିହ୍ଵଳ ଭକ୍ତ

ପବିତ୍ର ଜନ୍ମାଷ୍ଟମୀ ପାଇଁ ବାଲେଶ୍ଵର ଜିଲ୍ଲାର ବିଭିନ୍ନ ମନ୍ଦିରରେ ଦେଖିବାକୁ ମିଳିଛି ଭକ୍ତଙ୍କ ଭିଡ଼। ଚଳିତ ବର୍ଷ କୋଭିଡ କଟକଣା ପାଇଁ ଭକ୍ତଙ୍କ ମନରେ କିଛିଟା ଦୁଃଖ ରହିଛି । ତଥାପି ଅନେକ ଦିନ ପରେ ଭଗବାନଙ୍କ ଦର୍ଶନ ପାଇ ଭାବବିହ୍ଵଳ ହୋଇ ପଡ଼ିଛନ୍ତି ଭକ୍ତ। ରେମୁଣା କ୍ଷୀରଚୋରା ମନ୍ଦିରରେ ଭକ୍ତମାନେ ସମସ୍ତ କୋଭିଡ ନିୟମ ମାନି ଭଗବାନଙ୍କ ଦର୍ଶନ କରୁଥିବା ଦେଖିବାକୁ ମିଳିଛି। କିନ୍ତୁ ଭୋଗ ଡାଲା ଓ କ୍ଷୀର ଭୋଗ ବନ୍ଦ ରହିଛି। ଭକ୍ତମାନେ ଧାଡିରେ ଆସିବା ସହ ସେମାନଙ୍କୁ ସାନିଟାଇଜ କରିବା ଏବଂ ଏହାସହ ବାଉଁଶରେ ବ୍ୟାରିକେଡ କରାଯାଇ ଶୃଙ୍ଖଳିତ ଦର୍ଶନ ବ୍ୟବସ୍ଥା କରାଯାଇଛି। ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ