Bharat Jodo Yatra: ଦ୍ବିତୀୟ ଦିନରେ କଂଗ୍ରେସ ଆରମ୍ଭ କଲା ପଦଯାତ୍ରା

ଚେନ୍ନାଇ: ଆରମ୍ଭ ହୋଇଛି କଂଗ୍ରେସର ଭାରତ ଯୋଡୋ ଯାତ୍ରା । କନ୍ୟାକୁମାରୀ ଠାରୁ ଆରମ୍ଭ ହୋଇ ଏହି ଯାତ୍ରା କାଶ୍ମୀରରେ ଶେଷ ହେବ । କଂଗ୍ରେସ ନେତାମାନେ ଆଜି ଭାରତ ଯୋଡୋ ଯାତ୍ରାର ଦ୍ବିତୀୟ ଦିନରେ ପଦଯାତ୍ରା ଆରମ୍ଭ କରିଛନ୍ତି । ସାଂସଦ ରାହୁଲ ଗାନ୍ଧୀଙ୍କ ସମେତ ବରିଷ୍ଠ ନେତା ତଥା ସାଂସଦ ପି ଚିଦାମ୍ବରମ, ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବାଘେଲ ଏବଂ ଅନ୍ୟାନ୍ୟ ବରିଷ୍ଠ ନେତମାନେ କନ୍ୟାକୁମାରୀର ଅଗିସ୍ତିଶ୍ବରମକୁ ପଦଯାତ୍ରା କରିଛନ୍ତି । ୧୫୦ ଦିନର ଏହି ଯାତ୍ରାରେ ୧୨ ରାଜ୍ୟ ଏବଂ ଦୁଇଟି କେନ୍ଦ୍ରଶାସିତ ଅଞ୍ଚଳ ଦେଇ ଯାତ୍ରା କରିବେ କଂଗ୍ରେସ କର୍ମୀ । ରାହୁଲଙ୍କ ନେତୃତ୍ବରେ ମୋଟ ୧୧୮ କଂଗ୍ରେସ ନେତା ଓ କର୍ମୀ ପ୍ରତିଦିନ ୬ରୁ ୭ ଘଣ୍ଟା ପଦଯାତ୍ରା କରିବେ ।