ଦେଶ ପାଇଲା ନୂଆ ରାଷ୍ଟ୍ରପତି, ମିଠା ବାଣ୍ଟି ଉତ୍ସବ ପାଳିଲା ବିଜେପି

ପୁରୀ: ଦେଶର 15ତମ ରାଷ୍ଟ୍ରପତି ଭାବେ ଦ୍ରୌପଦୀ ମୁର୍ମୁ ନିର୍ବାଚିତ ହେବାପରେ ସବୁଆଡ଼େ ଉତ୍ସବର ମାହୋଲ ଦେଖାଦେଇଛି । ପ୍ରଥମ ଓଡିଆ ତଥା ଆଦିବାସୀ ମହିଳା ଭାବେ ରାଷ୍ଟ୍ରପତି ପଦ ଅଳଙ୍କୃତ କରିବା ପରେ ମିଠା ବାଣ୍ଟି ସମସ୍ତେ ନୃତ୍ୟରେ ମସଗୁଲ ଥିବାର ଦେଖିବାକୁ ମିଳିଛି । ପୁରୀ ଜିଲ୍ଲା ପିପିଲିରେ ମଧ୍ୟ ବିଜୟର ସେଲିବ୍ରେସନ ହୋଇଛି । ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର, ପୁରୀ ଜିଲ୍ଲା ବିଜେପି ସଭାପତି ଆଶ୍ରିତ ପଟ୍ଟନାୟକ ପିପିଲିବାସୀଙ୍କ ସହ ବିଜୟ ଉତ୍ସବ ପାଳନ କରିଛନ୍ତି । ଇଟିଭି ଭାରତ, ପୁରୀ