WATCH VIDEO: ଆଖି ପିଛୁଳାକେ ଉଡ଼ିଲା ବାଇକ, ଅଳ୍ପକେ ବର୍ତ୍ତିଲେ ଆରୋହୀ

ଥିରୁଅନନ୍ତପୁରମ: ମୃତ୍ୟୁ ମୁଖରୁ ଅଳ୍ପକେ ବର୍ତ୍ତିଲେ ବାଇକ ଆରୋହୀ । ଦ୍ରୁତ ଗତିରେ ବାଇକ ଚଲାଉଥିବାରୁ ଏକ ବଡ଼ ଦୁର୍ଘଟଣାର ଶିକାର ହୋଇଥିଲେ ମଧ୍ୟ ଦଇବ ସାଜିଲା ସାହା । ବାଇକ ପତ୍ର ପରି ଉଡ଼ି ଟ୍ରାନ୍ସଫର୍ମରରେ ବାଡ଼େଇ ହୋଇଥିବା ବେଳେ ଯୁବକ ଜଣକ ରାସ୍ତାରେ ଛିଟ୍‌କି ପଡ଼ିଥିଲେ । ମାତ୍ର ତାଙ୍କୁ ସେପରି କୌଣସି ବଡ଼ ଆଘାତ ଲାଗିନାହିଁ । ଏଭଳି ଭୟଙ୍କର ଦୁର୍ଘଟଣା କେରଳ ଇଡୁକ୍କି ନିକଟ ଭେଲ୍ଲାୟାମକୁଡ଼ି ନିକଟରେ ଘଟିଛି । ଘଟଣା ସମ୍ପର୍କରେ ଖବର ପାଇବା ପରେ କେରଳ ବିଦ୍ୟୁତ ବୋର୍ଡର ଅଧିକାରୀମାନେ ଘଟଣାସ୍ଥଳରେ ପହଞ୍ଚି ପ୍ରଥମେ ବିଦ୍ୟୁତ ସରବରାହକୁ ବନ୍ଦ କରିଥିଲେ । ଏହି ଘଟଣା ସିସିଟିଭି ଫୁଟେଜରେ କଏଦ ହୋଇଛି । ବାଇକ ଆରୋହୀକୁ ଅଗ୍ନିଶମ ବାହିନୀ ଉଦ୍ଧାର କରିଛି ।