ହରିଦ୍ୱାରରେ ଭକ୍ତଙ୍କ ଉପରେ ପୁଷ୍ପବର୍ଷା, ବଡ଼ ବିପଦରୁ ବର୍ତ୍ତିଲା ହେଲିକପ୍ଟର

ଡେରାଡୁନ: ବଡ଼ ଦୁର୍ଘଟଣାରୁ ବର୍ତ୍ତିଲା ହେଲିକପ୍ଟର । ଉତ୍ତରାଖଣ୍ଡର ହରିଦ୍ବାରରେ ଶିବ ଭକ୍ତଙ୍କ ଉପରେ ପୁଷ୍ପବର୍ଷା ସମୟରେ ହଠାତ୍‌ ଏକ ପଲିଥିନ ଉପରକୁ ଉଡ଼ି ଯାଇଥିଲା । ପଲିଥିନଟି ହେଲିକପ୍ଟର ନିକଟରେ ଉଡ଼ିଥିଲା । ହେଲିକପ୍ଟରର ପଙ୍ଖାରେ ଏହି ପଲିଥିନ ଧକ୍କା ଖାଇଥିଲେ ବଡ଼ ଦୁର୍ଘଟଣା ଘଟିବାର ଆଶଙ୍କା ରହିଥିଲା । ମାତ୍ର ସୌଭାଗ୍ୟବଶତଃ ଏପରି ହୋଇନଥିଲା । ଯାହାଦ୍ବାରା ଏକ ବଡ଼ ବିପଦ ଟଳିଥିଲା । ହରକି ପେଡି ଠାରେ ଭକ୍ତଙ୍କ ସ୍ବାଗତ ଲାଗି ହେଲିକପ୍ଟର ଜରିଆରେ ଏପରି ପୁଷ୍ପ ବର୍ଷା କରିବାର ଯୋଜନା ହୋଇଥିଲା ।