ଜନତା କର୍ଫ୍ୟୁକୁ ସମର୍ଥନ କଲା ବୌଦ୍ଧ

ବୌଦ୍ଧ: କରୋନା ହାରିବ ଦେଶ ଜିତିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ବାନ କ୍ରମେ ଆଜି ସାରାଦେଶରେ ଜନତା କର୍ଫ୍ୟୁ ପାଳନ କରାଯାଇଛି । ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ସାଧାରଣ ଲୋକ ଏହାକୁ ସଫଳ କରିଛନ୍ତି । ବୌଦ୍ଧ ସହର ସହିତ କଣ୍ଟାମାଳ, ମନମୁଣ୍ଡା, ବାଉଁଶୁଣୀ, ଚାରିଛକ, ପଲସାଗୋରା ପୁରୁଣାକଟକ, ହରଭଙ୍ଗା ଭଳି ସ୍ଥାନ ଗୁଡିକରେ ସାଧାରଣ ଲୋକେ ଏହି କର୍ଫ୍ୟୁକୁ ପ୍ରବଳ ମାତ୍ରାରେ ସମର୍ଥନ ଦେଇ ଘରୁ ବାହାରି ନଥିଲେ । ଜିଲ୍ଲାପାଳଙ୍କ କାର୍ଯ୍ୟାଳୟ ଠାରୁ ଆରମ୍ଭ କରି ମନ୍ଦିର ପର୍ଯ୍ୟନ୍ତ ଓ ପଞ୍ଚାୟତ ଠାରୁ ଆରମ୍ଭ କରି ପାର୍କ ପର୍ଯ୍ୟନ୍ତ ସବୁକିଛି ବନ୍ଦ ହୋଇଯାଇଥିଲା । ଏହାସହିତ ଜିଲ୍ଲାର ସମସ୍ତ ଥାନା, ଡାକ୍ତରଖାନା ଓ ଜରୁରୀ ଦୋକାନ ମଧ୍ୟ ଅସମ୍ଭବ ଭାବେ ଜନଶୁନ୍ୟ ହୋଇଥିବା ଦେଖାଯାଇଥିଲା । ବୌଦ୍ଧ ଜିଲ୍ଲା ପ୍ରଶାସନ ମଧ୍ୟ ଏନେଇ ବ୍ୟାପକ ପ୍ରସ୍ତୁତି କରିସାରିଛି । ରବିବାର ଜନତା କର୍ଫ୍ୟୁ ବୌଦ୍ଧ ଜିଲ୍ଲାରେ ସମ୍ପୂର୍ଣ୍ଣ ଭାବେ ସଫଳ ହୋଇଛି ।