ଆଜି ରାଜରାଜେଶ୍ବର ବେଶ, ମହଣ ମହଣ ସୁନାରେ ସଜେଇ ହେବେ ଶ୍ରୀଜୀଉ

ପୁରୀ: କାର୍ତ୍ତିକ ପୂର୍ଣ୍ଣିମା ଅବସରରେ ଆଜି ଶ୍ରୀମନ୍ଦିରରେ ମହାପ୍ରଭୁଙ୍କ ରାଜାଧିରାଜେଶ୍ବର ବେଶ ବା ରାଜରାଜେଶ୍ବର ବେଶ ଅନୁଷ୍ଠିତ ହୋଇଥାଏ । ଏହାକୁ ମଧ୍ୟ ସୁନା ବେଶ କୁହାଯାଏ । ମହଣ ମହଣ ସୁନାରେ ଶ୍ରୀଜୀଉ ସଜେଇ ହୋଇଥାନ୍ତି । କାର୍ତ୍ତିକ ମାସର ପଞ୍ଚୁକ ଶେଷ ଦିବସ କାର୍ତ୍ତିକ ପୂର୍ଣ୍ଣିମା ରେ ଏହି ରାଜାଧିରାଜ ବେଶ ଅନୁଷ୍ଠିତ ହୋଇଥାଏ । ଏହି ଦୁର୍ଲ୍ଲଭ ବେଶ ଦର୍ଶନ ଅଶେଷ ପୁଣ୍ୟ ମିଳିଥାଏ । ମହାପ୍ରଭୁଙ୍କ ଅବକାଶ ନୀତି ପରେ ଏହି ବେଶ ଅନୁଷ୍ଠିତ ହୋଇଥାଏ । ଚଳିତ ବର୍ଷ କୋଭିଡ କଟକଣା ହେତୁ ମହାପ୍ରଭୁଙ୍କ ଏହି ଦୁର୍ଲ୍ଲଭ ବେଶ ଦର୍ଶନରୁ ବଞ୍ଚିତ ଭକ୍ତ। ଆଜି ଶ୍ରୀମନ୍ଦିରରେ ଭକ୍ତଙ୍କ ପ୍ରବଳ ଗହଳି ଆଶଙ୍କା କରି ସାଧାରଣ ଦର୍ଶନ ବନ୍ଦ ରଖାଯାଇଛି । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ