ଜାତୀୟ ଖେଳାଳିଙ୍କୁ ଏ କି ସମ୍ମାନ; ବିଡି ତିଆରି ସହ ପରଘରେ ବାସନ ମାଜି ବିତୁଛି ଜୀବନ

ସମ୍ବଲପୁର: ଦିନ ଥିଲା ଜାତୀୟ ସ୍ତରରେ ଫୁଟବଲ ଖେଳି ରାଜ୍ୟ ପାଇଁ ଆଣିଥିଲେ ଗର୍ବ ଓ ଗୌରବ । ତାଙ୍କ ଚମତ୍କାର ଖେଳରେ ତାଜୁବ ହେଉଥିଲା ଦେଶ । ମୈଦାନରେ ନିଜର କମାଲ ଦେଖାଉଥିବା ସମ୍ବଲପୁରର ମହିଳା ଫୁଟବଲ ଦଳର ଖେଳାଳି ଏବେ ବଞ୍ଚିବା ପାଇଁ କରୁଛନ୍ତି ସଂଘର୍ଷ । ସମୟ ଚକ୍ରରେ ଓଡିଶା ମହିଳା ଫୁଟବଲ ଦଳର ପ୍ରତିନିଧିତ୍ବ କରୁଥିବା ଡଲି ମୁଣ୍ଡା ବିଡି ପ୍ରସ୍ତୁତ କରି ପେଟ ପାଇଁ ଦାନା ଯୋଗାଡ କରୁଥିବା ବେଳେ ମୀନା ମୁଣ୍ଡା ପର ଘରେ ବାସନ ମାଜି ଗୁଜୁରାଣ ମେଣ୍ଟାଉଛନ୍ତି । କେବଳ ଡଲି ଓ ମିନା ନୁହନ୍ତି ଏମାନଙ୍କ ପରି ସମ୍ବଲପୁରର 18ଜଣ ମହିଳା ଫୁଟବଲ ଖେଳାଳି ଜୀବନ ଜୀଇଁବା ପାଇଁ ସଂଘର୍ଷ କରିଚାଲିଛନ୍ତି ।