ଟୀକାକରଣ ନେଇ ଲୋକଙ୍କ ମନରୁ ଶଙ୍କା ଦୂର କଲେ ସୁର

ଭୁବନେଶ୍ବର: 'ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତୁମେ ବହୁତ ବଡ଼ ବଡ଼ କଥା ଲୋକଙ୍କୁ କହୁଛ। ତୁମେମାନେ ଆଗ କୋରୋନା ଟିକା ନିଅ '। ଏହାପରେ ତୃତୀୟରେ ମୋତେ ଦିଅ । କିଛି ଏଭଳି ଢଙ୍ଗରେ କୋରୋନା ଟିକାକୁ ନେଇ ଗଣମାଧ୍ୟମକୁ ପ୍ରତିକ୍ରିୟା ଦେଇଛନ୍ତି କଂଗ୍ରେସର ବରିଷ୍ଠ ବିଧାୟକ ସୁର ରାଉତରାୟ। ଯାହା ଫଳରେ କୋରୋନା ଟିକାକୁ ନେଇ ଲୋକମାନଙ୍କ ମନରେ ଥିବା ସନ୍ଦେହ ଦୂରହେବ । ବିଧାୟକ ସୁର କହୁଛନ୍ତି କି, ବିଶ୍ବରେ ଯେଉଁଠାରେ ବି ଏହି ଟିକା ଯାହାକୁ ବି ଦିଆଯାଇଛି, ପରବର୍ତ୍ତୀ ସମୟରେ ତାଙ୍କ ଠାରେ କୋରୋନା ହୋଇଥିବା ଲକ୍ଷ୍ୟ କରାଯାଇଛି। ଯାହାଫଳରେ ସାଧାରଣ ଲୋକଙ୍କ ମନରେ ଟିକାକୁ ନେଇ ସନ୍ଦେହ ଦେଖାଦେଇଛି।