ବାଲୁକାଚିତ୍ର କଳାରେ ବଡଦିନ ଶୁଭେଚ୍ଛା

ପୁରୀ: ବଡଦିନ ଉପଲକ୍ଷେ ପୁରୀ ବେଳାଭୂମିରେ ଅନ୍ତର୍ଜାତୀକ ବାଲୁକା ଶିଳ୍ପୀ ମାନସ କୁମାର ସାହୁ ବାଲିରେ ସାନ୍ତାକ୍ଲଜ ନିର୍ମାଣ କରିଛନ୍ତି । ଚଳିତବର୍ଷ ସାନ୍ତାକ୍ଲଜ ବାଲୁକା ମୂର୍ତ୍ତିରେ ପଦାର୍ପଣ କରିଥିବା ବେଳେ ସାରା ବିଶ୍ବ କରୋନା ଭାଇରସରୁ ରକ୍ଷା ପାଇବ ସେ ନେଇ ନିଜ ବାଲୁକା କଳା ମାଧ୍ୟମରେ ଏଭଳି ବାର୍ତ୍ତା ଦେଇଛନ୍ତି । ସମସ୍ତେ ମାସ୍କ, ସାନିଟାଇଜର ଓ ଗ୍ଲୋବ୍ସ କିଭଳି ବ୍ୟବହାର କରିବେ ସେନେଇ ମଧ୍ୟ ନିଜ ବାଲୁକା କଳା ମାଧ୍ୟମରେ ସଚେତନତାର ବାର୍ତ୍ତା ଦେଇଛନ୍ତି ମାନସ। ଏହି ବାଲୁକା କଳା ନିର୍ମାଣ କରିବା ପାଇଁ ମାନସଙ୍କୁ ୨ ଦିନ ସମୟ ଲାଗିଥିଲା । ଏହାର ଉଚ୍ଚତା ୮ ଫୁଟ ସହ ଏଥିରେ ୨୦ ଟନ ବାଲି ବ୍ୟବହାର ହୋଇଥିବା କହିଛନ୍ତି ଅନ୍ତର୍ଜାତିକ ବାଲୁକା ଶିଳ୍ପୀ ମାନସ କୁମାର ସାହୁ ।  ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ