ବିଭାଗୀୟ ଅପାରଗତା ଯୋଗୁଁ ଅବ୍ୟବସ୍ଥିତ ବାଘ ଜଳସେଚନ ପ୍ରକଳ୍ପ

ବୌଦ୍ଧ: ଜିଲ୍ଲାର ଲାଇଫ ଲାଇନ କୁହାଯାଉଥିବା ବାଘ ଜଳସେଚନ ପ୍ରକଳ୍ପ ଏବେ ବିଭାଗୀୟ ଉଦାସୀନତା କାରଣରୁ ଅବହେଳିତ ହୋଇ ପଡିଛି । 1990 ଦଶକରେ ବୌଦ୍ଧର ତତ୍କାଳୀନ ବିଧାୟକ ସଚ୍ଚିଦାନନ୍ଦ ଦଲାଲଙ୍କ ପ୍ରଚେଷ୍ଟା ଯୋଗୁଁ ଶଗଡା ନିକଟରେ ବାଘନଦୀ ଉପରେ 7564.89 ଲକ୍ଷ ଟଙ୍କା ବ୍ୟୟ ଅଟକଳରେ ଏହି ପ୍ରକଳ୍ପଟି ନିର୍ମାଣ କରାଯାଇଥିଲା । ଲକ୍ଷ୍ୟ ଥିଲା 9660 ହେକ୍ଟର ଅଞ୍ଚଳକୁ ଜଳସେଚନ ସୁବିଧା ଯୋଗାଇ ଦିଆଯିବ । ଦୀର୍ଘ ବର୍ଷ ଏନେଇ ସଫଳତା ମଧ୍ୟ ମିଳିଲା । କିନ୍ତୁ ଦୀର୍ଘ ବର୍ଷର ଏହି ପ୍ରକଳ୍ପ ଏବେ ବିଭାଗୀୟ ଉଦାସୀନତାର ଶିକାର ହୋଇଛି ।