ବାରିପଦା ସହର ଉପକଣ୍ଠରେ ଦନ୍ତା ହାତୀ ଆତଙ୍କ

ବାରିପଦା: ମୟୂରଭଞ୍ଜ ଜିଲ୍ଲା ବାରିପଦା ସହର ଉପକଣ୍ଠରେ ହାତୀ ଆତଙ୍କ ଖେଳାଉଛନ୍ତି ଦନ୍ତା ହାତୀ । ହାତୀକୁ ଘଉଡ଼ାଇବା ପାଇଁ ପ୍ରୟାସ ଆରମ୍ଭ କରିଛି ବନ ବିଭାଗ । ଆଜି ସକାଳେ ସହରର ମୁର୍ଗବାଡି ଅଞ୍ଚଳରେ ଏକ ଦନ୍ତା ବୁଲୁଥିବା ଦେଖିବାକୁ ପାଇଥିଲେ ସ୍ଥାନୀୟ ଲୋକ । ହାତୀଟି ମୁର୍ଗାବାଡ଼ି ଦେଇ ଏମପିସି କଲେଜ ନିକଟରେ ପହଞ୍ଚିଥିଲା । ତେବେ ହାତୀକୁ ବନ ବିଭାଗର କର୍ମଚାରୀ ଘଉଡ଼ାଇ ମଞ୍ଚାବନ୍ଧା ଜଙ୍ଗଲ ନିକଟରେ ପହଞ୍ଚାଇଥିବା ଜଣାପଡିଛି । ତେବେ ହାତୀଟି କୌଣସି କ୍ଷୟକ୍ଷତି ଘଟାଇ ନଥିବା ଜଣାପଡିଛି । ବାରିପଦା ବନ ବିଭାଗ ହାତୀର ଗତିବିଧି ଉପରେ ନଜର ରଖିଛନ୍ତି । ଏବେ ହାତୀଟି ମଞ୍ଚାବନ୍ଧା ଅଞ୍ଚଳରେ ଥିବା ବନ ବିଭାଗ କହିଛି । ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ