‘ଲୋକଙ୍କ ମୁହଁରେ ହସ, ଆମ ପାଇଁ ବଡ ପୁରସ୍କାର’

ଭୁବନେଶ୍ବର: ଲୋକଙ୍କ ମୁହଁରେ ହସ ଆମ ପାଇଁ ବଡ ପୁରସ୍କାର । ବିଜୁ ପଟ୍ଟନାୟକଙ୍କ ଜୟନ୍ତୀ ଅବସରରେ ଏପରି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମହାନ ଜନନାୟକଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବା ସହ ଓଡିଶାର ଅତୀତ ଗୌରବ ଫେରାଇ ଶିଖରରେ ପହଞ୍ଚାଇବାକୁ ବିଜୁ ବାବୁ କାମ କରୁଥିଲେ ବୋଲି ମୁଖ୍ୟମନ୍ତ୍ରୀ କହିଛନ୍ତି । ଭିସି ଯୋଗେ ଏହି କାର୍ଯ୍ୟକ୍ରମରେ ସାମିଲ ହୋଇ ପ୍ରଥମେ ସେ ବିଜୁ ପରିବାରର ସବୁ ସଭ୍ୟଙ୍କୁ ନମସ୍କାର କରିଛନ୍ତି । ପରେ ବିଜୁ ବାବୁଙ୍କ ସ୍ମୃତି ଚାରଣ କରିଛନ୍ତି । ସେବା ଓ ସ୍ବାଭିମାନ ବିଜୁ ବାବୁଙ୍କର ଲକ୍ଷ୍ୟ ଥିଲା । ଯାହା ବିଜେଡିର ଲକ୍ଷ୍ୟ । ତେଣୁ ଓଡ଼ିଶାବାସୀଙ୍କ ପ୍ରିୟ ଦଳ ହୋଇ ବିଜେଡି ଅଛି ବୋଲି ମୁଖ୍ୟମନ୍ତ୍ରୀ କହିଛନ୍ତି ।