ନାମାଙ୍କନ ପକ୍ରିୟା ଶେଷ, ୧୮ଟି ଜୋନ୍‌ରେ ପାର୍ଥୀପତ୍ର ଦାଖଲ

ଫୁଲବାଣୀ: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ନାମାଙ୍କନ ପତ୍ର ଦାଖଲ ପକ୍ରିୟା ଆଜି ଶେଷ ହୋଇଛି । ଜିଲ୍ଲା ପରିଷଦ ଆସନ ପାଇଁ ପ୍ରମୁଖ ରାଜନୈତିକ ଦଳର ପ୍ରାର୍ଥୀମାନେ ସମସ୍ତ ଜୋନ୍‌ ପାଇଁ ପାର୍ଥୀପତ୍ର ଦାଖଲ କରିଛନ୍ତି । କନ୍ଧମାଳ ଜିଲ୍ଲାର ୧୮ଟି ଜୋନ୍‌ରେ ସମସ୍ତ ପ୍ରମୁଖ ଦଳର ପ୍ରାର୍ଥୀମାନେ ନାମାଙ୍କନ ପତ୍ର ଦାଖଲ କରିଛନ୍ତି । ଆମ ଆଦମୀ ପାର୍ଟି, କଳିଙ୍ଗ ସେନା ପକ୍ଷରୁ ମଧ୍ୟ ଜିଲ୍ଲା ପରିଷଦ ଜୋନ୍‌ ପାଇଁ ପାର୍ଥୀପତ୍ର ଦାଖଲ ହୋଇଛି । ଜି.ଉଦୟଗିରିର ୭ଟି ଜୋନ ଓ ବାଲିଗୁଡାର ୬ଟି୍‌ ଜୋନ୍‌ ଜିଲ୍ଲା ପରିଷଦ ଆସନ ପାଇଁ ବାଲିଗୁଡ଼ା ଉପଜିଲ୍ଲାପାଳଙ୍କ ନିକଟରେ ପାର୍ଥୀପତ୍ର ଦାଖଲ ହୋଇଛି । ସେହିପରି ଫୁଲବାଣୀ ନିର୍ବାଚନ ମଣ୍ଡଳୀର ୫ଟି ଜୋନ୍‌ ପାଇଁ ଫୁଲବାଣୀ ଉପଜିଲ୍ଲାପାଳଙ୍କ ନିକଟରେ ନାମାଙ୍କନ ଭରିଛନ୍ତି ପାର୍ଥୀ । କୋଭିଡ ନିୟମକୁ କଡାକଡି ପାଳନ କରିବା ସହ ପ୍ରତ୍ୟେକ ପ୍ରାର୍ଥୀ ଓ ସମର୍ଥକ ମାସ୍କ ପିନ୍ଧି ସୀମିତ ନେତା ଓ କର୍ମୀଙ୍କ ସହ ଉପଜିଲ୍ଲାପାଳଙ୍କ ନିକଟରେ ପାର୍ଥୀପାତ୍ର ଦାଖଲ କରିଛନ୍ତି । ଏହି ଅବସରରେ ସେମାନଙ୍କ ସହ ଅଧିକ ଆଲୋଚନା କରିଛନ୍ତି ଆମ କନ୍ଧମାଳ ପ୍ରତିନିଧି ସଞ୍ଜୟ ପାତ୍ର ।