ପୁରୀରେ ବଡ଼ଦାଣ୍ଡ ସେବା କାର୍ଯ୍ୟକ୍ରମ, ଝାଡୁ ମାରିଲେ ମନ୍ତ୍ରୀ-ଜିଲ୍ଲାପାଳ

ପୁରୀ: ସହରକୁ ସଫାସୁତୁରା ଓ ନିର୍ମଳ ରଖିବାକୁ ପୁରୀରେ ଆରମ୍ଭ ହେଲା ବଡଦାଣ୍ଡ ସେବା କାର୍ଯ୍ୟକ୍ରମ । ଜିଲ୍ଲା ପ୍ରଶାସନ ପକ୍ଷରୁ ନିଆଯାଇଥିବା ଏହି ସାମୂହିକ ସଫେଇ ଅଭିଯାନରେ ପ୍ରତ୍ୟେକ ଶନିବାର ସକାଳୁ ହେବ ବଡଦାଣ୍ଡ ସଫା କାର୍ଯ୍ୟ l ଏହି ପରିପ୍ରେକ୍ଷୀରେ ସରକାରୀ, ବେସରକାରୀ ଅନୁଷ୍ଠାନ ସମେତ ସବୁ ସ୍ତରର ସ୍ବେଚ୍ଛାସେବୀଙ୍କୁ ଏଥିରେ ସାମିଲ କରାଯାଇ ସହରକୁ ସ୍ଵଚ୍ଛ ରଖିବାକୁ ନିବେଦନ କରାଯାଇଛି l ଏହି ଅଭିନବ କାର୍ଯ୍ୟକ୍ରମରେ ଶନିବାର କ୍ରୀଡା ଓ ଯୁବସେବା ମନ୍ତ୍ରୀ ତୁଷାରକାନ୍ତି ବେହେରା, ବିଧାୟକ ଜୟନ୍ତୀ ଷଡ଼ଙ୍ଗୀ ଜିଲ୍ଲାପାଳ ସମର୍ଥ ବର୍ମା, ଏସପି କନୱାର ବିଶାଳ ସିଂହ ଯୋଗଦେଇ ଝାଡୁ ଧରି ବଡଦାଣ୍ଡ ସଫା କରିଛନ୍ତି ।