9 ବର୍ଷର ନାବାଳିକା ଚଲାଉଛି ଧାନ ରୁଆ ମେସିନ, ଭିଡିଓ ଭାଇରାଲ

କେନ୍ଦ୍ରାପଡା: ଜିଲ୍ଲାର ଡେରାବିଶ୍ ବ୍ଲକ ଜଅଁରା ବାରିମୂଳ ପଞ୍ଚାୟତ ଅର୍ତ୍ତାମୂଳ ଗ୍ରାମରେ ଦେଖିବାକୁ ମିଳିଛି ଏକ ଆଶ୍ଚର୍ଯ୍ୟଜନକ ଦୃଶ୍ୟ । ଜଣେ 9 ବର୍ଷର ନାବାଳିକା ଚାଷ ଜମିରେ ଧାନ ରୁଆ ମେସିନ ଚଳାଉଥିବା ଦୃଶ୍ୟ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ସୂଚନା ଅନୁଯାୟୀ ସୁଧାଂଶୁ ଜେନାଙ୍କ 9ବର୍ଷର ଝିଅ ଜାହ୍ନବୀ କଅଁଳ ବୟସରେ ବିଲରେ ମେସିନ ଚଳାଉଥିବା ଦୃଶ୍ୟ ଦେଖି ସେଠାରେ ଥିବା ସମସ୍ତ ଗ୍ରାମବାସୀ ଆଶ୍ଚର୍ଯ୍ୟ ଚକିତ ହୋଇଥିଲେ । ୧୭ ସେକେଣ୍ଡର ଏହି ଭାଇରାଲ ଭିଡିଓରେ ଜାହ୍ନବୀ ମେସିନ ଚଳାଉଥିବା ବେଳେ ନିକଟରେ ବାପା ସୁଧାଂଶୁ ତାଙ୍କୁ ଗାଇଡ଼ ମଧ୍ୟ କରୁଥିଲେ ।