ଇଟିଭି ଭାରତରେ ଅଭିନେତ୍ରୀ ସୂର୍ଯ୍ୟମୟୀ, ଖୋଲିଲେ 'ରଙ୍ଗାଶୁର' ପଛର ରାଜ

ଭୁବନେଶ୍ବର: ରିଲିଜ ହୋଇଛି ଓଡ଼ିଆ ଚଳଚ୍ଚିତ୍ର ରଙ୍ଗାଶୁର । ବାଘନାଚକୁ ଉଜ୍ଜୀବିତ କରିବା ସହ ପ୍ରାଣୀ ଓ ଜଙ୍ଗଲ ସୁରକ୍ଷାର ବାର୍ତ୍ତା ନେଇ ଏହି ଫିଲ୍ମ ରିଲିଜ ହୋଇଛି । ନାରୀଟିଏ କିଭଳି ପ୍ରତିକୂଳ ପରିସ୍ଥିତିରେ ସବୁ ସଂଘର୍ଷକୁ ପଛରେ ପକାଇ ନିଜ ବାପାଙ୍କ ସ୍ବପ୍ନ ଓ ପରମ୍ପରାକୁ ଆଗେଇ ନେଇଛି । ଝିଅ ହୋଇ ନୁହେଁ ବର ଜଣେ ବୀରଙ୍ଗନା ହୋଇ ସମାଜ ପାଇଁ କାମ କରିବା ସହ ନିଜ ପରମ୍ପରା ବଞ୍ଚାଇଛି ତାକୁ ନେଇ ଏହି ଚଳଚ୍ଚିତ୍ରରେ ପଦର୍ଶନ କରାଯାଇଛି । ଚଳଚ୍ଚିତ୍ରରେ ମୁଖ୍ୟ ଭୂମିକା ଅଭିନେତ୍ରୀ ସୂର୍ଯ୍ୟମୟୀ ମହାପାତ୍ର ନିଭାଉଥିବା ବେଳେ ଅନ୍ୟମାନଙ୍କ ମଧ୍ୟରେ ଶୁଭଶ୍ରୀ ଜେନା, ଦୀପନ୍ୱିତ, ସମରେଶ ରାଉତରାୟ ଓ ଶୁଭାଶିଷ ଶର୍ମା ପ୍ରମୁଖ ଅଭିନୟ କରିଛନ୍ତି । ତେବେ ଓଡ଼ିଶାର ପାଣି ପବନର ବାସ୍ନା ଓ କଳା ସଂସ୍କୃତିର ଛିଟା ଏହି ଚଳଚ୍ଚିତ୍ରରେ ଦେଖିବାକୁ ମିଳିବ । ହଜିଯାଉଥିବା ଲୋକନୃତ୍ୟର ଝଲକ ଏହି ଫିଲ୍ମରେ ଦର୍ଶକ ଦେଖିପାରିବେ ବୋଲି କହିଛନ୍ତି ଅଭିନେତ୍ରୀ ସୂର୍ଯ୍ୟମୟୀ ।

ଏହା ମଧ୍ଯ ପଢ଼ନ୍ତୁ...ଆସନ୍ତାକାଲି ସାରା ବିଶ୍ଵରେ ମୁକ୍ତିଲାଭ କରିବ ଓଡ଼ିଆ ଫିଲ୍ମ 'ରଙ୍ଗଶୁର' ଏହା ମଧ୍ଯ ପଢ଼ନ୍ତୁ...କ୍ୟାମେରା ଓ କଣ୍ଟେଣ୍ଟ ସାଜିଛି ନାୟକ, ନିଆରା କାହାଣୀକୁ ନେଇ ରିଲିଜ ଓଡ଼ିଆ ଫିଲ୍ମ 'ବଇଦ'

ଇଟିଭି ଭାରତ, ଭୁବନେଶ୍ବର