ଯୁଦ୍ଧଜାହାଜ ଜଲସ୍ବରେ ରାଜ୍ୟର 133 ବିଧାୟକ

ଜଗତସିଂହପୁର: ପାରାଦୀପରେ ଯୁଦ୍ଧଜାହାଜ ବୁଲି ଦେଖିବେ ଲୋକପ୍ରତିନିଧି । ଭାରତୀୟ ନୌବାହିନୀର ଯୁଦ୍ଧଜାହାଜ ଜଲସ୍ବର ସମାରଭ୍ୟାସ ଦେଖିବା ପାଇଁ ପାରାଦୀପରେ ପହଞ୍ଚିଛନ୍ତି 133 ବିଧାୟକ । ଜଗତସିଂହପୁର ପାରାଦୀପ ଠାରେ ଓଡ଼ିଶା ବିଧାନସଭାର 133 ବିଧାୟକ ଓ ଜଗତସିଂହପୁର ସାଂସଦ ରାଜଶ୍ରୀ ମଲ୍ଲିକ ଆଜି ଭାରତୀୟ ନୌବାହିନୀର ସମାରଭ୍ୟାସ ଦେଖିବା ପାଇଁ ପାରାଦୀପରେ ପହଞ୍ଚିଛନ୍ତି। ମଙ୍ଗଳବାର ପୂର୍ବାହ୍ନ 11ଟା ସମୟରେ ଜଲସ୍ବ ଯୁଦ୍ଧଜାହାଜରେ ଓଡ଼ିଶାର 133 ବିଧାୟକ ଓ ସାଂସଦ ପହଞ୍ଚିବା ପରେ ଭାରତୀୟ ନୌବାହିନୀର ପଦାଧିକାରୀମାନେ ସେମାନଙ୍କୁ ପାଛୋଟି ନେଇଥିଲେ।