ୟୁକ୍ରେନରୁ ଝାରସୁଗୁଡ଼ା ବିମାନବନ୍ଦରରେ ପହଞ୍ଚିଲେ ୭ ଛାତ୍ରଛାତ୍ରୀ, ଭାବବିହ୍ବଳ ବାପା-ମା

ଝାରସୁଗୁଡ଼ା: ଆଜି(ଶନିବାର) ୟୁକ୍ରେନରୁ ଝାରସୁଗୁଡ଼ା ବିମାନବନ୍ଦରରେ ପହଞ୍ଚିଲେ ୭ ଛାତ୍ରଛାତ୍ରୀ । ଏହି ଛାତ୍ରଛାତ୍ରୀଙ୍କୁ ଖାର୍କିଭ ଓ କିଭରୁ ଉଦ୍ଧାର କରାଯାଇ ଦିଲ୍ଲୀରୁ ଝାରସୁଗୁଡ଼ା ବୀର ସୁରେନ୍ଦ୍ର ସାଏ ବିମାନ ବନ୍ଦରରେ ପହଞ୍ଚାଯାଇଛି । ଏମାନେ ହେଉଛନ୍ତି ଝାରସୁଗୁଡ଼ା, ସମ୍ବଲପୁର, ବୁର୍ଲା, ସୁନ୍ଦରଗଡ ଓ ରାଉରକେଲାର ଛାତ୍ରଛାତ୍ରୀ । ବିମାନବନ୍ଦରରେ ପହଞ୍ଚିବା ପରେ ଜିଲ୍ଲା ପ୍ରଶାସନ ପକ୍ଷରୁ ଛାତ୍ରଛାତ୍ରୀଙ୍କୁ ସ୍ଵାଗତ କରାଯାଇଥିଲା ।