ଭଦ୍ରକର ୧୪ଟି ବୁଥରେ ଚାଲିଛି ସାନି ମତଦାନ

ଭଦ୍ରକ: ପାଞ୍ଚଟି ପର୍ଯ୍ୟାୟରେ ସରିଛି ପଞ୍ଚାୟତ ନିର୍ବାଚନ । ମତଦାନ ସମୟରେ ଅନେକ ସ୍ଥାନରେ ଉତ୍ତେଜନା ଏବଂ ହିଂସାକାଣ୍ଡ ଘଟିଥିବାର ଦେଖାଯିବା କାରଣରୁ ମତଦାନ ବାଧାପ୍ରାପ୍ତ ହୋଇଥିଲା । ଏହି ପରିପ୍ରେକ୍ଷୀରେ ଅନେକ ସ୍ଥାନରେ ସାନି ନିର୍ବାଚନ ହେବାକୁ ରାଜ୍ୟ ନିର୍ବାଚନ ଆୟୋଗ ନିଷ୍ପତ୍ତି ନେଇଥିବାବେଳେ ଭଦ୍ରକ ଜିଲ୍ଲାର ୧୪ଟି ବୁଥର ମଧ୍ୟ ପୁନଃ ମତଦାନ କରାଯାଉଛି । ମତଦାନ ସମୟରେ ଯେପରି ବିଶୃଙ୍ଖଳା ପରିସ୍ଥିତି ନଉପୁଜେ ସେଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି। ସମସ୍ତ ମତଦାନ ବୁଥରେ ବ୍ୟାପକ ପୋଲିସ ମୁତୟନ କରାଯିବା ସହ ସିସିଟିଭି କ୍ୟାମେରା ଲଗାଯାଇଛି । ଏନେଇ ତିହିଡି ବ୍ଳକର ତଳଗୋପବିନ୍ଧା ପଞ୍ଚାୟତରୁ ଭୋଟର ଏବଂ ପ୍ରଶାସନିକ ଅଧିକାରୀଙ୍କ ସହ ଆଲୋଚନା କରିଛନ୍ତି ଆମ ଭଦ୍ରକ ପ୍ରତିନିଧୀ ଦେବାଶିଷ ମହାପାତ୍ର ।