ଅଘୋଷିତ ବିଦ୍ୟୁତ କାଟ, TPCODL ଅଫିସ ଘେରିଲେ ଲୋକେ

କଟକ: ଇଲେକ୍ଟ୍ରି ଅଫିସ ଘେରାଉ କଲେ ସ୍ଥାନୀୟ ଲୋକ । ଅଘୋଷିତ ବିଦ୍ୟୁତ କାଟ ଓ ସ୍କ୍ୱାର୍ଡ ପାର୍ଟିର ମନ ମୁଖୀ କାର୍ଯ୍ୟ ପାଇଁ ଆଜି ବାଦାମବାଡ଼ି ନିକଟସ୍ଥ TPCODL କାର୍ଯ୍ୟାଳୟରେ ଆନ୍ଦୋଳନ କରିବା ସହ ମୁଖ୍ୟ ଅଧକାରୀଙ୍କୁ ଦାବିପତ୍ର ପ୍ରଦାନ କରିଛନ୍ତି । ତେବେ ଦିନକୁ ଦିନ ଗ୍ରୀଷ୍ମ ପ୍ରବାହ ବୃଦ୍ଧି ପାଉଥିଲା ବେଳେ ଏହି ସମୟରେ କଟକରେ ବିଭିନ୍ନ ଅଞ୍ଚଳରେ ବାରମ୍ବାର ବିଦ୍ୟୁତ କାଟ୍‌ ହେଉଛି । ଏହାସହ ଯେଉଁଠି ସ୍କ୍ୱାର୍ଡ ପାର୍ଟି ରେଡ଼ ପାଇଁ ଯାଉଛନ୍ତି ସେଠାରେ ତାଙ୍କର ମନ ମାନି ଦେଖିବାକୁ ମିଳୁଛି । ଏହି ଦିଗରେ ବିଦ୍ୟୁତ ବିଭାଗ ଦୃଷ୍ଟି ଦେବାକୁ ଦାବି କରିଛନ୍ତି ଅଞ୍ଚଳବାସୀ ।କିଛି ଆଖି ଦୃଷ୍ଟିଆ ପଦକ୍ଷେପ ନ ନିଆଯାଏ ତେବେ ଆଗମୀ ଦିନରେ ବିଦ୍ୟୁତ କାର୍ଯ୍ୟାଳୟ ଆଗରେ ବଡ଼ ଜନ ଆନ୍ଦୋଳନ ହେବ ବୋଲି ଲୋକେ କହିଛନ୍ତି । କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ