Watch: ପୋଲିସ ଟୋପି ପିନ୍ଧି ରିଲ୍ସ ବନାଇଲେ ଯୁବକ, ଥାନାରେ ମାମଲା ରୁଜୁ

ଲକ୍ଷ୍ନୌ: ଉତ୍ତରପ୍ରଦେଶ ହଜରତଗଞ୍ଜ ଥାନା ଅଧୀନ ସୁଲତାନଗଞ୍ଜ ଅଞ୍ଚଳର ଏକ ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେଉଛି । ଏହି ଭିଡିଓରେ ଜଣେ ଯୁବକ ପୋଲିସ ଟୋପି ପିନ୍ଧି ରିଲ୍ସ କରୁଥିବା ଦେଖିବାକୁ ମିଳିଛି । ତେବେ ରିଲ୍ସଟି ଭାଇରାଲ ହେବା ପରେ ନିଜ ଆଡୁ ମାମଲା ରୁଜୁ କରିଛି ପୋଲିସ । ଏହି ଯୁବକର ନାମ ଶିବା ଚୌରାସିୟା ବୋଲି ଜଣାପଡ଼ିଛି । ସେ ସୁଲତାନଗଞ୍ଜ ପୋଲିସ ଷ୍ଟେସନରେ ଜଣେ ପୋଲିସ ଅଧିକାରୀଙ୍କ ଟୋପି ପିନ୍ଧି ରିଲ୍ସ କରିଛି । ତେବେ ସେ ଏହି ଥାନାକୁ ଅଧିକାଂଶ ଯିବା ଆସିବା କରିଥାଏ । ଏହି ଭାଇାରଲ ଯୁବକ ଓ ସିପାହୀ ଅଙ୍କୁର ଦୁବେଙ୍କ ମଧ୍ୟରେ ବନ୍ଧୁତା ଯୋଗୁଁ ସେ ଏଠାକୁ ଆସିଥାନ୍ତି । ଏହି ସମୟରେ ଯୁବକ ଜଣକ ପୋଲିସ ଟୋପିର ଦୁରୂପଯୋଗ କରିଛି । ଏହାପରେ ଯୁବକଙ୍କ ବିରୋଧରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଏ ନେଇ ସେଣ୍ଟ୍ରାଲ ଡିସିପି ଅପର୍ଣ୍ଣା କୌଶିକ ସୂଚନା ଦେଇଛନ୍ତି ।