Uttarakhanda Flood: ଗଙ୍ଗାରେ ଖସୁଛି ବନ୍ୟାଜଳ, ଭଗବାନ ଶିବଙ୍କ ମୂର୍ତ୍ତି ତଳେ ଚାଲୁଛି ପାଣି

ଋଷିକେଶ: ଦେବଭୂମି ଉତ୍ତରାଖଣ୍ଡରେ କମିଛି ବର୍ଷା । ଗଙ୍ଗା ନଦୀରେ ଖସୁଛି ଜଳସ୍ତର । ଋଷିକେଶରେ  ଖସିବାରେ ଲାଗିଛି ବନ୍ୟାଜଳ । ବିପଦ  ସଂକେତ ତଳେ ପ୍ରବାହିତ ହେଉଛି  ପାଣି ।  ପରମାର୍ଥ ନିକେତନ ଆଶ୍ରମ ଘାଟରେ ନିର୍ମିତ ଭଗବାନ ଶିବଶଙ୍କରଙ୍କ ମୂର୍ତ୍ତି ତଳେ ବୋହୂଛି ବନ୍ୟାଜଳ । 15 ଫୁଟ ଉଚ୍ଚତା ଭଗବାନ ଶିବଶଙ୍କରଙ୍କ ମୂର୍ତ୍ତି ତଳେ ଏବେ ପ୍ରବାହିତ ହେଉଛି ବନ୍ୟାପାଣି । ଗତ କିଛି ଦିନ ଧରି ଦେବଭୂମି ଉତ୍ତରାଖଣ୍ଡରେ ଜାରି ରହିଛି ପ୍ରକୃତିର କୋପ । 

ବାଦଲଫଟା ବର୍ଷାରେ ଅସ୍ତବ୍ୟସ୍ତ ହୋଇଥିଲା ଉତ୍ତରାଖଣ୍ଡ । ଗଙ୍ଗା ସମେତ ସମସ୍ତ ନଦୀରେ ବିପଦ ସଂକେତ ଉପରେ  ପ୍ରବାହିତ ହେଉଥିଲା ବନ୍ୟାଜଳ । ବାଦଲଫଟା ବର୍ଷାକୁ ଦେଖି ପାଣିପାଗ ବିଭାଗ ସାରା ରାଜ୍ୟରେ ଜାରି କରିଥିଲା ରେଡ ଆଲର୍ଟ । ଧୀରେ ଧୀରେ ଏବେ ଖସୁଛି ବନ୍ୟାଜଳ । ପ୍ରବଳ  ବର୍ଷା କାରଣରୁ ତ୍ରିବେଣୀ ଘାଟ ସମେତ ସମସ୍ତ ଘାଟ ବନ୍ୟାପାଣିରେ ଯାଇଥିଲା ବୁଡି । ରାଜ୍ୟରେ ଚଳିତ ବନ୍ୟା ସ୍ଥିତିକୁ  2013 ର ଭୟଙ୍କର ବନ୍ୟା ପୁଣି ଥରେ ଉଜାଗର ହୋଇଛି ।