ନିର୍ବାଚନ ବେଳେ ଅପରାଧ ରୋକିବ 'ତ୍ରିଶୂଳ'

Trisul Yojana: କଟକ: ପାଖେଇ ଆସିଲାଣି ସାଧାରଣ ନିର୍ବାଚନ । ଗଣତନ୍ତ୍ରର ମହାପର୍ବ ସାଧାରଣ ନିର୍ବାଚନକୁ ନଜରରେ ରଖି ସଜବାଜ ହେଲାଣି କଟକ କମିଶନରେଟ ପୋଲିସ । ନିର୍ବାଚନକୁ ଅପରାଧ ମୁକ୍ତ କରିବା ଲାଗି କମିଶନରେଟ ପୋଲିସ ଆରମ୍ଭ କରିଛି ସ୍ୱତନ୍ତ୍ର ଅପରେସନ 'ତ୍ରିଶୂଳ' । ପୂର୍ବରୁ ଅପରେସନ୍ 'ତ୍ରିଶୂଳ' ଜରିଆରେ ପୋଲିସ ବେଆଇନ ବନ୍ଧୁକ କାରବାର ରୋକିବାରେ କିଛି ମାତ୍ରାରେ ସଫଳ ହୋଇଥିଲା । ଏଥର ମଧ୍ୟ ସହରକୁ ବେଆଇନ ବନ୍ଧୁକମୁକ୍ତ କରାଯିବ ବୋଲି ପୋଲିସ ଆଶାବ୍ୟକ୍ତ କରିଛି।  

ନିର୍ବାଚନକୁ ଅପରାଧ ମୁକ୍ତ କରିବା ଲାଗି ନିର୍ବାଚନ ଅଧିକାରୀଙ୍କ ସହ ଆଲୋଚନା ପରେ କମିଶନରେଟ ପୋଲିସ ତା'ର କଡା ଆଭିମୁଖ୍ୟ ଗ୍ରହଣ କରିଛି । ପେଶାଦାର ଅପରାଧୀଙ୍କ ତାଲିକା ପ୍ରସ୍ତୁତ କରିବା ସହ ବେଆଇନ ଅସ୍ତ୍ରଶସ୍ତ୍ର କାରବାରରେ ଲିପ୍ତ ଥିବା ଅପରାଧୀଙ୍କ ଉପରେ ନଜର ରଖୁଛି ପୋଲିସ । "କଟକ ସହରର ଏଣ୍ଟ୍ରି ପଏଣ୍ଟରେ ରାତି ୧୧ ଟାରୁ ଭୋର ପର୍ଯ୍ୟନ୍ତ ଯାନବାହନ ଉପରେ ନଜର ରଖାଯାଉଛି । ଆସନ୍ତା ନିର୍ବାଚନକୁ କିପରି ଅପରାଧ ମୁକ୍ତ କରାଯିବ ସେନେଇ ଏହି ଯୋଜନା କରଯାଉଛି" ବୋଲି କହିଛନ୍ତି ଅତିରିକ୍ତ ଡିସିପି ଅନୀଲ ମିଶ୍ର। 

ଇଟିଭି ଭାରତ, କଟକ