Shocking: ଟ୍ରାଫିକ ପୋଲିସକୁ ୨୦ କିମି ଘୋଷାଡି ନେଲା କାର୍

ମୁମ୍ବାଇ: ନିଶା ଖାଇ କାର୍ ଚଳାଉଥିଲେ ଯୁବକ  । ଚେକିଂ ପାଇଁ ଅଟକାଇବାରୁ ଟ୍ରାଫିକ ପୋଲିସକୁ ୨୦ କିଲୋମିଟର ଘୋଷାଡି ନେଲା କାର୍  । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି  । ଗତକାଲି(ଶନିବାର) ପୂର୍ବାହ୍ନ ପ୍ରାୟ ସାଢେ ୧ଟା ସମୟରେ ମହାରାଷ୍ଟ୍ରର ନଭି ମୁମ୍ବାଇରେ ଏହି ଘଟଣା ଘଟିଥିଲା  । ଜଣେ ୨୨ ବର୍ଷୀୟ ଯୁବକ ଡ୍ରଗ୍ସ ସେବନ କରି କାର୍ ଚଳାଉଥିଲେ । ଗୃହମନ୍ତ୍ରୀ ଅମିତ ଶାହଙ୍କ ମୁମ୍ବାଇ ଗସ୍ତ ପାଇଁ ଟ୍ରାଫିକ ପୋଲିସ ସିଦ୍ଧେଶ୍ବର ମାଲି କୋପରଖାଇରନ-ଭାସି ଲେନ୍‌ରେ ଡ୍ୟୁଟି କରୁଥିଲେ  । ଏହି ସମୟରେ ଗାଡି ଚେକିଂ ପାଇଁ ସେ ସେହି ବାଟ ଦେଇ ଯାଉଥିବା ଯୁବକଙ୍କ କାରକୁ ଅଟାଇବାକୁ ଚେଷ୍ଟା କରିଥିଲେ  ।  

ମାତ୍ର ଯୁବକ ଜଣକ ଅଟକିବା ପରିବର୍ତ୍ତେ ଟ୍ରାଫିକ ପୋଲିସଙ୍କୁ କାର୍ ବନେଟରେ ପାଖାପାଖି ୨୦ କିଲୋମିଟର ଯାଏଁ ଘୋଷାଡି ନେଇଥିଲେ  । କିଛି ବାଟ ଯିବା ପରେ ଟ୍ରାଫିକ କର୍ମଚାରୀ ଜଣକ ଗାଡିରୁ ଖସି ପଡିଥିଲେ । ତେବେ ନିଶାସକ୍ତ ଅବସ୍ଥାରେ ଯୁବକ ଏଭଳି କାଣ୍ଡ ଭିଆଇଥିବା ଜଣାପଡିଛି  । ସମ୍ପୃକ୍ତ ଯୁବକ ଆଦିତ୍ୟ ବେମ୍ବଡେ ବୋଲି ପରିଚୟ ମିଳିଛି । ପୋଲିସ ତାଙ୍କୁ ଗିରଫ କରିବା ସହ ହତ୍ୟା ଉଦ୍ୟମ ଓ NDPS ଆକ୍ଟରେ ମାମଲା ରୁଜୁ କରିଛି  । ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି  ।