ରାଜଧାନୀରେ କାଳବୈଶାଖୀ ତାଣ୍ଡବ: ଭାଙ୍ଗିଲା ଅଜନ୍ତା ସର୍କସ, ନିରାଶ ହୋଇ ଫେରିଲେ ଦର୍ଶକ

ଭୁବନେଶ୍ବର: ରାଜଧାନୀରେ କାଳବୈଶାଖୀ ତାଣ୍ଡବ । ଭାଙ୍ଗିଲା ଗଛ । କାଳବୈଶାଖୀ ପ୍ରଭାବରେ ଭୁବନେଶ୍ୱରରେ ବର୍ଷା ସାଙ୍ଗକୁ ପ୍ରବଳ ବେଗରେ ବର୍ଷା ହୋଇଥିଲା । ଅନେକ ରାସ୍ତାରେ ଗଛ ପଡ଼ି ରାସ୍ତା ଯାମ ହୋଇଛି ତ ଆଉ କେଉଁଠି ଘର ଉପରେ ଗଛ ପଡିଛି । ସେହିପରି ବିଦ୍ୟୁତ ତାର ଛିଡ଼ିଥିବା ବେଳେ କିଛି ଘରର ଆଜବେଷ୍ଟ ବି ଉଡିଯାଇଛି । ସହରର ଏଭଳି ସ୍ଥିତିକୁ ନେଇ ନାହିଁ ନଥିବା ହଇରାଣ ହେଉଛନ୍ତି ରାଜଧାନୀବାସୀ । ଅନ୍ୟପଟେ କାଳବୈଶାଖୀର ପ୍ରଭାବରେ ଭାଙ୍ଗିଲା ଅଜନ୍ତା ସର୍କସ । ଦୀର୍ଘ ୧୦ ବର୍ଷ ପରେ ରାଜଧାନୀରେ ପଡିଥିବା ଏହି ସର୍କସ ଲୋକଙ୍କ ମନୋରଞ୍ଜନ କରିବା ଓ ଉଦଘାଟନ ପୂର୍ବରୁ କାଳବୈଶାଖୀ ସାଜିଲା ବାଧକ। ଭାଙ୍ଗିରୁଜି ଚୁରମାର ହୋଇଯାଇଛି ପୁରା ଟେଣ୍ଟ ହାଉସ। ଏହାକୁ ନେଇ ସର୍କସ ଦେଖିବାକୁ ଆଗୁଆ ଟିକେଟ କାଟିଥିବା ଲୋକେ ନିରାଶ ହୋଇଛନ୍ତି । ସର୍କସ ହେଇ ନପାରିବାରୁ ଟିକେଟ ପଇସା ଲୋକଙ୍କୁ ଫେରାଇ ଦିଆଯାଇଛି । 

ଇଟିଭି ଭାରତ, ଭୁବନେଶ୍ବର