ଦଶହରାରେ ବଜାରରେ ଷ୍ଟ୍ରିଟ ଫୁଡର ଚାହିଦା, ଲାଭବାନ ବ୍ୟବସାୟୀ

କଟକ: ପୂଜାପାର୍ବଣରେ ଚଟପଟି ଖାଦ୍ୟର ଚାହିଦା ବେଶ ଅଧିକ ରହିଥାଏ । ଚଳିତ ବର୍ଷ କଟକରେ ଦୁର୍ଗାପୂଜା ଅବସରରେ ଚଟପଟି ଷ୍ଟ୍ରିଟ ଫୁଡର ଷ୍ଟଲ ପାଖରେ ଲୋକଙ୍କ ପ୍ରବଳ ଗହଳି ଦେଖିବାକୁ ମିିଳିଛି । ଦହିବରା, ଗୁପଚୁପ, ଚାଟ, ଆଇସକ୍ରିମ ଭଳି ଖାଦ୍ୟ ପ୍ରତି ଲୋକମାନେ ବେଶ ମନାଇବଳାଇଥିବା ଦେଖିବାକୁ ମିଳିଥିଲା । ତେବେ ଚଳିତ ବର୍ଷ ଦୁର୍ଗାପୂଜା ଓ ଭସାଣି ଅବସରରେ କଟକରେ ଚଟପଟି ଖାଦ୍ୟର ବେଶ ମଜା ଉଠାଇଥିଲେ ଲୋକେ ।

ଗୋଟିଏ ପଟେ ଲୋକମାନେ ଏପରି ଚଟପଟି ଖାଦ୍ୟ ପ୍ରତି ଉତ୍ସାହ ପ୍ରକଟ କରୁଥିବା ବେଳେ ଉଠା ବ୍ୟବସାୟୀମାନେ ଚଳିତବର୍ଷ ଭସାଣି ସୁଦ୍ଧା ଭଲ ଲାଭ କରିବା ନେଇ ଆଶା କରିଛନ୍ତି । ପୂର୍ବ ବର୍ଷ ଅପେକ୍ଷା ଚଳିତ ବର୍ଷ ଖାଦ୍ୟର ଅଧିକ ଚାହିଦା ରହିଥିବାରୁ ବ୍ୟବସାୟ ଭଲ ହେବ ବୋଲି କହିଛନ୍ତି ବ୍ୟବସାୟୀ । ତେବେ ଆଜି କଟକରେ ଦୁର୍ଗାମାଆଙ୍କ ଭସାଣି ଶୋଭାଯାତ୍ରା ଚାଲିଥିବା ବେଳେ ଖାଦ୍ୟ ଷ୍ଟଲ୍‌ ଆଗରେ ଲୋକଙ୍କ ଗହଳି ଦେଖିବାକୁ ମିଳିଛି ।ଯାହାକୁ ନେଇ ବେଶ ଖୁସି ଅଛନ୍ତି ବ୍ୟବସାୟୀ ।

ଇଟିଭି ଭାରତ, କଟକ